2 Tikhronike 18:18 - Siswati 1996 Bible

¹⁸ Mikhaya wachubeka watsi: “Ngako-ke lalela livi laSimakadze: Ngabona Simakadze ahleti esihlalweni sakhe sebukhosi, nayo yonkhe imphi yasezulwini ime ngakuye ngesekudla sakhe nangesancele.

2 Tikhronike 18:18 ပူးပေါင်းရင်းမြစ်များ

Genesisi 32:2

Jakobe watsi kube atibone letingilosi watsi: “Lesi sikanekiso saNkulunkulu!” Wetsa leyo ndzawo libito watsi yiMahanayimu.

2 Tikhronike 18:17

Ahabi, inkhosi yaka-Israyeli, watsi kuJehoshafati: “Angikakutjeli-ke kutsi kute lokuhle langahle akuphrofethe ngami, kodvwa lokubi kuphela?”

2 Tikhronike 18:19

Simakadze watsi: ‘Ngubani lotasihungela Ahabi, inkhosi yaka-Israyeli, kutsi ayewuhlasela iRamothi Gileyadi atiyele yena ekufeni kwakhe?’ “Lomunye waphakamisa loku, lomunye waphakamisa lokwa.

Isaya 1:10

Lalelani livi laSimakadze, nine babusi baseSodoma; lalelani imfundziso yaNkulunkulu wetfu, nine bantfu baseGomora!

Isaya 28:14

Ngako-ke vanini livi laSimakadze, nine tedzeleli lenibusa lesive eJerusalema.

Isaya 39:5

Isaya wase utsi kuHezekiya: “Vani livi laSimakadze longuSomandla.

Jeremiya 19:3

utsi: ‘Vanini nali livi laSimakadze, nine makhosi akaJuda, nani bantfu baseJerusalema. Naku lokushiwo nguSimakadze longuSomandla, Nkulunkulu wesive sema-Israyeli, utsi: Lalelani! Ngitakwehlisela inhlekelele kulendzawo letakwenta kutsi tonkhe tindlebe letiyakuva ngayo tilume.

Jeremiya 2:4

Vanini livi laSimakadze, ninendlu yakaJakobe, nonkhe nine bantfu belusendvo lwendlu yaka-Israyeli.

Jeremiya 34:4

“ ‘Noko vani setsembiso saSimakadze, wena Sedekiya, nkhosi yakaJuda. Naku lokushiwo nguSimakadze macondzana nawe, utsi: Ungeke ubulawe ngenkemba,

Danyela 7:10

Kwakugeleta umfula wemlilo, siyalu sawo sicubuka embikwakhe. Tinkhulungwane tetinkhulungwane tatimsingatsile. Tinkhulungwane letilishumi tiphindvwe katinkhulungwane letilishumi tatime embikwakhe. Behluleli bahlala phansi. Tincwadzi tavulwa.

Danyela 7:9

“Ngatsi ngisabukile, tihlalo tebukhosi tabekwa ngabolonina, Lophila Phakadze Naphakadze wahlala kusakhe. Tembatfo takhe tatimhlophe njengangcocwane; tinwele tenhloko yakhe tatimhlophe njengeboya betimvu. Sihlalo sakhe sebukhosi sasivutsa emalangabi, nemasondvo aso onkhe abelavuka emalangabi.

Amose 7:16

Manje-ke vani livi laSimakadze. Wena watsi: “ ‘Ungaphrofethi lokumelene na-Israyeli. uyekele nekushumayela umelane nendlu ya-Isaka.’

Zakhariya 1:10

Kwase kutsi lendvodza leyayime emkhatsini wetihlahla temibomvana yachaza, yatsi: “Bangulabo lababetfunywa nguSimakadze kutsi baye emhlabeni wonkhe.”