2 Tikhronike 18:16 - Siswati 1996 Bible

¹⁶ Mikhaya wase uyaphendvula, watsi: “Ngibone onkhe ema-Israyeli ahlakatekile etintsabeni njengetimvu letite umelusi; Simakadze watsi: ‘Labantfu abanamelusi. Nguloyo akatibuyelele ekhaya lakhe ngekuthula.’ ”

2 Tikhronike 18:16 ပူးပေါင်းရင်းမြစ်များ

2 Samuweli 2:7

Manje-ke, cinani nibe nesibindzi, ngobe Sawula, inkhosi yenu, sewufile, kodvwa indlu yakaJuda seyigcobe mine kutsi ngibe yinkhosi etikwayo.”

2 Samuweli 5:2

Kadzeni, ngesikhatsi Sawula aseyinkhosi etikwetfu, nguwe lowawuhola sive sema-Israyeli nasiyekulwa etimphini. Simakadze wakhuluma kuwe, watsi: ‘Wena utawuba ngumelusi wesive sami ema-Israyeli, ube ngumbusi waso.’ ”

1 Emakhosi 22:17

Mikhaya wase uyaphendvula, watsi: “Ngibone onkhe ema-Israyeli ahlakatekile etintsabeni njengetimvu letite umelusi; Simakadze watsi: ‘Labantfu abanamelusi. Nguloyo akatibuyelele ekhaya lakhe ngekuthula.’ ”

2 Emakhosi 10:3

khetsani munye wemadvodzana enkhosi yenu lonemandla kakhulu nalofanelekile, nimbeke esihlalweni seyise, nilwele indlu yenkhosi yenu.”

2 Tikhronike 18:15

Inkhosi Ahabi yatsi kuye: “Ngitakutjela kangaki kutsi ungangitjeli lutfo lolunye ngaphandle kweliciniso egameni laSimakadze?”

2 Tikhronike 18:17

Ahabi, inkhosi yaka-Israyeli, watsi kuJehoshafati: “Angikakutjeli-ke kutsi kute lokuhle langahle akuphrofethe ngami, kodvwa lokubi kuphela?”

Hezekeli 34:8

Ngifunga kuphila kwami, kusho iNkhosi Simakadze, njengobe umhlambi wami weswele umelusi, waze waphangwa wagucuka waba kudla kwato tonkhe tilwane tesiganga, nanjengobe belusi bami bangazange bawufune umhlambi wami, kodvwa batinakekela bona kakhulu kunekunakekela umhlambi wami,

Hezekeli 35:4

Emadolobha akho ngiyakuwagucula abe ngemadzibikelo, live lakho libe lihlane. Ngulapho-ke uyawukwati khona kutsi mine nginguSimakadze.

Zakhariya 10:2

Tithico tikhuluma lokuyinkhohliso, labaphengulako babona imibono yemanga, bakhuluma emaphupho langesilo liciniso. Badvudvutana mahhala nje ngelite. Ngako-ke bantfu bazulazula njengetimvu, bacindzetelekile ngekweswela umelusi.

Zakhariya 13:7

“Awu nkemba, vuka umelane nemelusi wami, umelane nemuntfu longumngani wami,” kusho Simakadze longuSomandla. “Shaya umelusi umbulale, timvu tiyawuhlakateka. Ngiyawugucula sandla sami etikwaletincane, ngimelane nato.”

Numeri 27:17

iphume ingene embikwaso, isihole ngekusikhipha nekusingenisa, kuze sive saSimakadze singafani netimvu letingenamelusi.”

Matewu 26:64

Jesu waphendvula watsi: “Usho kona. Noko ngitsi kini: “ ‘Kusukela manje seniyakuyibona iNdvodzana yeMuntfu ihleti ngesekudla saLonemandla, ita ngemafu asezulwini.’ ”

Matewu 9:36

Nabona ticumbi tebantfu, inhlitiyo yakhe yagcwala sihawu, ngobe bebakhatsatekile bahlakatekile, banjengetimvu letite umelusi.

Makho 6:34

Watsi uyehla nje Jesu esikebheni wabona lesikhulu sicumbi sebantfu, wabahawukela ngobe bebanjengetimvu letite umelusi. Wabafundzisa ngetintfo letinyenti.