2 Tikhronike 18:10 - Siswati 1996 Bible

¹⁰ Sedekiya, umsa waKhenana, yena abesente timphondvo tensimbi, wamemeta atsi: “Naku lokushiwo nguSimakadze: ‘Ngaleti utawuhlaba emaSiriya aze afe aphele.’ ”

2 Tikhronike 18:10 ပူးပေါင်းရင်းမြစ်များ

1 Emakhosi 22:11

Sedekiya, umsa waKhenana, yena abesente timphondvo tensimbi, wamemeta atsi: “Naku lokushiwo nguSimakadze: ‘Ngaleti utawuhlaba emaSiriya aze afe, aphele.’ ”

2 Tikhronike 18:11

Bonkhe-ke nalaba labanye baphrofethi babekhuluma intfo yinye, batsi: “Hlasela iRamothi Gileyadi, uyehlule. Ngobe Simakadze utayinikela etandleni tenkhosi.”

2 Tikhronike 18:9

Babegcoke imijiva yabo yebukhosi bo-Ahabi, inkhosi yaka-Israyeli, banaJehoshafati, inkhosi yakaJuda, bahleti etihlalweni tabo tebukhosi, bahleti ebaleni lekubhulela kolo, eceleni kwelisango lelingena eSamariya; bonkhe baphrofethi bebaphrofetha embikwabo.

Jeremiya 23:17

Bachubeka bakhulume kulabangedzelelako batsi: ‘Simakadze utsi: Nitawuba nekuthula.’ Kubo bonkhe labalandzela inkhani yetinhlitiyo tabo, batsi: ‘Kute lokubi lokutanehlela.’

Jeremiya 23:21

Angizange sengibatfume labaphrofethi, noko bagijime nemilayeto yabo; angizange sengikhulume kubo, noko sebaphrofethile.

Jeremiya 23:25

“Ngikuvile loko lokushiwo baphrofethi, nabaphrofetha emanga egameni lami. Batsi: ‘Ngiphuphile! Ngiphuphile!’

Jeremiya 23:31

Simakadze utsi: “Yebo, ngimelene nebaphrofethi labajikitisa tilwimi tabo babe bakhuluma batsi: ‘Simakadze uyakhuluma.’

Jeremiya 27:2

Naku lokwashiwo nguSimakadze kimi, watsi: “Yenta emajoko ngetitilobho nemicabo, lelinye lawo ulibeke entsanyeni yakho,

Jeremiya 29:21

Naku lokushiwo nguSimakadze longuSomandla, Nkulunkulu wema-Israyeli, mayelana na-Ahabi, umsa waKholaya, nangaSedekiya, umsa waMaseya, labaphrofetha emanga kini egameni lami, utsi: ‘Ngitawubanikela kuNebukhadnezari, inkhosi yaseBhabhulona, yena uyawufike ababulale embikwemehlo enu nibuka.

Hezekeli 13:7

Ngitsi kubo: Anizange niyibone yini imibono leyinkhohliso nekubhula lokungemanga ngesikhatsi nitsi: “Kusho Simakadze”, nome ngingakaze ngikhulume?

Hezekeli 22:28

Baphrofethi balo bahuca letento tabo ngemcakaco ngemibono leyinkhohliso nekubhula lokungemanga. Batsi: ‘Naku lokushiwo yiNkhosi Simakadze,’ kube Simakadze angakaze wakhuluma lutfo.

2 kuThimothi 3:8

Njengobe boJanesi naJambresi bamelana naMosi, nabo-ke labantfu bamelene neliciniso, babantfu labanengcondvo leyonakele netehluleki ekukholweni.