2 Tikhronike 17:19 - Siswati 1996 Bible

¹⁹ Lawa bekungemadvodza labekhonta inkhosi, ngaphandle kwalawo labewamise emadolobheni latinqaba kulo lonkhe lakaJuda.

2 Tikhronike 17:19 ပူးပေါင်းရင်းမြစ်များ

2 Tikhronike 11:12

Wabeka emahawu netikhali kuwo onkhe lamadolobha, wawenta acina kakhulu. Ngako lakaJuda nelakaBhenjamini aba ngaphansi kwakhe.

2 Tikhronike 11:23

Wavele wenta kuhlakanipha ngekutsi lamadvodzana akhe awasakatele kuto tonkhe tifundza takaJuda netakaBhenjamini, nakuwo onkhe lamadolobha latinqaba. Wawabela kudla lokunyenti, wawatsatsela nebafati labanyenti.

2 Tikhronike 17:12

Jehoshafati waya ngekuya wakhula kuba nemandla; wakha tinqaba nemadolobha latingungu kaJuda,

2 Tikhronike 17:18

Wesibili bekunguJehozabadi labenemadvodza lati-180 000 labehlomele imphi.

2 Tikhronike 17:2

Wemisa emasotja kuwo onkhe emadolobha latinqaba kaJuda, wemisa emabutfo kaJuda nasemadolobheni aka-Efrayimu labetfunjwe nguyise Asa.

2 Tikhronike 33:14

Emvakwaloko Manase wakha kabusha lubondza lwangaphandle kweliDolobha laDavide, ngasenshonalanga nesiyalu saseGihoni esigodzini, kuze kuyewuma ekungeneni kweLisango Lenhlanti, lutungeleta intsaba i-Ofeli, walwenta lwaphakama kakhulu. Wemisa tindvuna temabutfo emphi kuwo onkhe emadolobha latinqaba akaJuda.