2 Tikhronike 17:17 - Siswati 1996 Bible

¹⁷ KaBhenjamini bekume kanje: Eliyada, labesihlabani selisotja, yena abenemadvodza lati-200 000 labehlome ngebutjoki nangemahawu.

2 Tikhronike 17:17 ပူးပေါင်းရင်းမြစ်များ

1 Tikhronike 7:11

Onkhe lamadvodzana aJediyayeli abebaholi bemindeni. Bekungemadvodza lati-17 200 labengalungela kuphuma imphi.

2 Tikhronike 14:7

Wakhuluma nesive sonkhe sakaJuda, watsi: “Asiwakhe lamadolobha, sakhe netibondza letiwatungeletako, nemibhoshongo nemasango kanye nemicabo. Lelive kusengeletfu, ngobe siyentile intsandvo yaSimakadze Nkulunkulu wetfu. Simfunile, yena wase usipha kuthula yonkhe indzawo.” Ngako bavele bachubeka nekwakha, bachuma.

2 Tikhronike 14:8

Asa abenembutfo lowawunemasotja lati-300 000 akaJuda, ahlome ngemahawu lamakhulu kanye netikhali; emasotja akaBhenjamini wona abeti-280 000, wona ahlome ngemahawu lamancane kanye nebutjoki. Onkhe lamasotja bekutihlabani cobo lwato.

2 Tikhronike 17:16

Wesitsatfu bekungu-Amasiya, umsa waZikhri, lowatinikela kutsi akhonte Simakadze ngemachawe emphi lati-200 000.

2 Tikhronike 17:18

Wesibili bekunguJehozabadi labenemadvodza lati-180 000 labehlomele imphi.

Numeri 1:36

Titukulwane takaBhenjamini tema kanje: Onkhe emadvodza kusukela kulabesaneminyaka lengema-20 kuya etulu, labesangalungela kuya emphini abhaliswa ngemabito awo, ngayinye ngayinye, njengekutalana kwawo, lusendvo ngelusendvo nangemindeni yawo.