2 Tikhronike 17:14 - Siswati 1996 Bible

¹⁴ Bunyenti bawo ngekwemindeni yawo babume kanje: KaJuda kwakunetindvuna tetinkhulungwane: Adna abeyindvuna yemachawe emphi lati-300 000.

2 Tikhronike 17:14 ပူးပေါင်းရင်းမြစ်များ

Genesisi 12:2

Ngitakwenta ube sive lesikhulu, ngikubusise, ngente libito lakho libe likhulu, wena ube sibusiso.

Genesisi 13:16

Titukulwane takho ngiyawutenta tibe ngangelutfuli lwemhlaba, kangangekutsi nakukhona longabala lutfuli lwemhlaba, netitukulwane takho angatibala.

Genesisi 15:5

Simakadze wamkhiphela ngaphandle watsi: “Buka etulu esibhakabhakeni ubale tinkhanyeti, nawungatibala.” Wachubeka watsi kuye: “Nentalo yakho-ke iyawuba ngako.”

2 Tikhronike 11:1

Watsi kube efike eJerusalema Rehobowamu, wabutsa yonkhe indlu yakaJuda neyakaBhenjamini, libutfo lelalinemadvodza lati-180 000, tihlabani todvwa, wahlomisa imphi yekuhlasela indlu yaka-Israyeli, kuze batewubuyisela umbuso kuyeRehobowamu.

2 Tikhronike 13:3

Abiya wahloma waya emphini anemasotja lati-400 000, tingwazi todvwa, kantsi Jerobowamu abevive ngemiswahla yemasotja lati-800 000.

2 Tikhronike 14:8

Asa abenembutfo lowawunemasotja lati-300 000 akaJuda, ahlome ngemahawu lamakhulu kanye netikhali; emasotja akaBhenjamini wona abeti-280 000, wona ahlome ngemahawu lamancane kanye nebutjoki. Onkhe lamasotja bekutihlabani cobo lwato.

2 Tikhronike 17:13

waba nekudla lokunyenti lokwakugciniwe emadolobheni akaJuda. Lapha eJerusalema abemise bonsukuwansuku bemachawe emphi.

2 Tikhronike 17:15

Wesibili bekunguJehohanani labeyindvuna yemachawe emphi lati-280 000.

2 Tikhronike 26:13

Bona babehola emadvodza emphi lati-307 500 labececeshelwe kulwa timphi, bangemabutfo lanemandla ekusekela nekuvikela inkhosi etitseni tayo.

Numeri 1:18

base babita sonkhe sive ngelilanga lekucala enyangeni yesibili. Bonkhe bantfu babhalisa, ngulowo nalowo wabhalisa ngeyisemkhulu, kwabhaliswa emabito awo onkhe emadvodza kusukela kulabeneminyaka lengema-20 kuya etulu, ngayinye ngayinye,

Numeri 1:2

“Yentani lubalo lwaso sonkhe sive saka-Israyeli, lusendvo ngelusendvo, nemindeni ngemindeni, nibabhalise ngetindlu taboyise onkhe emadvodza ngemabito awo, ngayinye ngayinye,