2 Tikhronike 17:11 - Siswati 1996 Bible

¹¹ Lamanye emaFilisti aletsa kuJehoshafati tipho nesiliva lekwakutetfulo; ema-Arabu amupha imihlambi yetihhanca letatiti-7 700, netimbuti letatiti-7 700.

2 Tikhronike 17:11 ပူးပေါင်းရင်းမြစ်များ

2 Samuweli 8:2

Davide wachubeka wahlasela nemaMowabi, wawehlula. Abebalalisa phansi emhlabatsini, bese ubulala babili njalo kulabatsatfu baletitfunjwa. Ngako emaMowabi ase aba ngaphansi kwakhe, aletsa imitselo yawo kuDavide.

1 Emakhosi 5:1

Watsi kube Hiramu, inkhosi yaseThire, eve kutsi Solomoni sewugcotjiwe kutsi atsatse sikhundla seyise Davide, watfumela emancusa akhe kuSolomoni, ngobe abeloku angumngani waDavide.

2 Emakhosi 3:4

Mesha, inkhosi yakaMowabi, abefuye timvu, abevamise kwetfula enkhosini yaka-Israyeli emazinyane ato lati-100 000 kanye navolo wetihhanca letiti-100 000.

2 Tikhronike 17:12

Jehoshafati waya ngekuya wakhula kuba nemandla; wakha tinqaba nemadolobha latingungu kaJuda,

2 Tikhronike 17:5

Simakadze watintisa umbuso ngaphansi kwesandla sakhe; bonkhe bakaJuda baletsa tipho kuJehoshafati, kangangekutsi wanjinga kakhulu waba neludvumo.

2 Tikhronike 21:16

Simakadze wavusa butsa emkhatsini waJehoramu netive temaFilisti nema-Arabu labehlala edvutane nemaKushe.

2 Tikhronike 26:8

Ema-Amoni aletsa tetfulo ku-Uziya, ludvumo lwakhe lwandza lwaze lwefika khashane eminyeleni yaseGibhithe, ngobe abesanemandla kakhulu.

2 Tikhronike 9:14

ngaphandle kwalemitselo yebahwebi nalabatsenga batsengise. Ngisho nawo onkhe emakhosi ase-Arabiya nebabusi belive lema-Israyeli babeletsa igolide nesiliva kuSolomoni.

2 Tikhronike 9:24

Umnyaka ngemnyaka, wonkhe labeta kuye abefika nesipho: tintfo letentiwe ngesiliva nangegolide, nemijiva, netikhali, netinandzisi, nemahhashi kanye neminyuzi.

Isaya 13:20

Kungeke kuphindze kuhlale muntfu kuyo, kute loyawuphindze ahlale kuyo titukulwane ngetitukulwane; kute um-Arabu loyawumisa lithende lakhe lapho, kute nemelusi loyawuphumulisa imihlambi yakhe kuyo.

Hezekeli 27:21

“ ‘Base-Arabiya nabo bonkhe labakhulu baseKhedari bekunguwona makhasimende akho lamakhulu, bona-ke babetsengiselana nawe ngemazinyane etimvu, nangetihhanca tetimvu kanye netimbuti.