2 Tikhronike 16:12 - Siswati 1996 Bible

¹² Emnyakeni wema-39 wekubusa kwakhe Asa tinyawo takhe tase tiyachwala. Kwala nome lesifo sesimcinisela, noko akazange afune lusito lwaSimakadze; esikhundleni saloko wafunana nelusito lwetinyanga kuphela.

2 Tikhronike 16:12 ပူးပေါင်းရင်းမြစ်များ

Genesisi 50:2

Josefa wayala tisebenti takakhe nabochwephesha bekomisa tidvumbu kutsi batsatse sidvumbu seyise bayesomisa ngemitsi kuze singaboli; ngempela sidvumbu sa-Israyeli somiswa ngemitsi.

1 Tikhronike 10:14

wangete wayibuta indlela kuSimakadze. Ngaleso sizatfu Simakadze wamnikela ekufeni, bukhosi wabunika Davide, umsa waJese.

2 Tikhronike 16:13

Kwatsi ngemnyaka wema-41 wekubusa kwakhe Asa wakhotsama.

2 Tikhronike 16:9

Ngobe emehlo aSimakadze abuka emhlabeni wonkhe kucinisa labo labatinhlitiyo tabo titinikele kuye ngalokuphelele. Wena wente intfo lebulima kakhulu, kusukela manje utakulwa timphi siphelane.”

2 Tikhronike 28:22

Ahazi akazange etsembeke ngisho nakancane nje kuSimakadze ngesikhatsi sekuhlupheka kwakhe.

Jobe 13:4

Noko, nine ningibhoca ngemanga, nonkhe nifanana netinyanga, kantsi anikwati kwelapha!

Jeremiya 17:5

Naku lokushiwo nguSimakadze, utsi: “Ucalekisiwe umuntfu lowetsembela kumuntfu, umuntfu lowencike emandleni alomunye umuntfu, nalonhlitiyo yakhe imfulatsela Simakadze.

Jeremiya 8:22

Sekute yini ibhalisamu kulakaGileyadi? Sekute yini inyanga lapho? Kepha sekute leni kuphiliswa kwemanceba ebantfu bami?

Matewu 7:2

Ngobe ngaloko kwehlulela lenehlulela ngako labanye, nani niyakwehlulelwa ngako; nangaleso silinganiso lenilinganisa ngaso, nani niyakulinganiswa ngaso.

Matewu 9:12

Jesu nakuva loko, wabaphendvula watsi: “Bantfu labaphilako abayidzingi inyanga, kodvwa ngulabagulako kuphela labayidzingako.

Makho 2:17

Jesu wakuva loko watsi kuto: “Akusibo bantfu labaphilile labadzinga inyanga, kodvwa ngulabagulako kuphela. Angiketeli kutawubita labalungile, kodvwa ngitele kubita toni.”

Makho 5:26

Abesagule kakhulu, asaphelelwe timali kulabelaphako, angasenalutfo esandleni, kodvwa kujinge kubete buncono, kugula kuya embili.

KubaseKholose 4:14

NaLukha longudokodela lotsandzekako, kanye naDemasi bayanihambisa kakhulu.

Sembulo 3:19

Labo lengibatsandzako ngiyabakhalimela ngibajezise; ngako-ke shisekela lokuhle, uphendvuke.