2 Tikhronike 15:7 - Siswati 1996 Bible

⁷ Kodvwa nine cinani, ningalilahli litsemba, ngobe umsebenti wenu utakuba nemvuzo.”

2 Tikhronike 15:7 ပူးပေါင်းရင်းမြစ်များ

Genesisi 15:1

Emvakwaloko livi laSimakadze lefika ku-Abrama ngembono, latsi: “Abrama, ungesabi. Ngisihlangu sakho, umvuzo wakho utawuba mkhulu.”

1 Tikhronike 28:20

Davide waphindze wakhuluma kuSolomoni, indvodzana yakhe, watsi: “Cina, ube nesibindzi, wente lomsebenti. Ungesabi, futsi ungapheli emandla, ngobe Simakadze Nkulunkulu, longuNkulunkulu wami, unawe. Angeke akujabhise, futsi angeke akulahle, kuze kuphele wonkhe umsebenti wekukhonta ethempelini laSimakadze.

2 Tikhronike 19:11

“Amariya, umPhristi Lomkhulu, nguye lotanengamela nonkhe kunome yini lephatselene naSimakadze, bese kutsi Zebadiya, umsa wa-Ishmayeli, umholi wesive sakaJuda, anengamele kunome yini lemacondzana nenkhosi. EmaLevi wona umsebenti wawo kutakuba kubukisisa kufezeka kwetincumo tonkhe. Banini nesibindzi, shangatsi naSimakadze angaba nalabo labenta lokuhle.”

2 Tikhronike 32:7

“Cinani, nime sibindzi, ningesabi, futsi ningapheli emandla ngenca yalenkhosi yase-Asiriya nalolucucaba lwemphi yayo leta nayo, ngobe kitsi kunemandla lamakhulu kunalawa lenawo yona.

Tihlabelelo 19:11

Impela, inceku yakho iyalwa ngato, lowo lotigcinako unemvuzo lomkhulu.

Tihlabelelo 27:14

Tsemba kuSimakadze, cina ungadzangali, ube nesibindzi. Yebo, tsemba kuSimakadze.

Tihlabelelo 58:11

Bantfu batabe sebatsi: “Ngempela lolungile uyavuzwa, ngempela ukhona Nkulunkulu lowehlulela emhlabeni.”

Jeremiya 31:16

Naku lokushiwo nguSimakadze, utsi: “Bamba livi lakho, ungakhali, ubambe tinyembeti emehlweni akho, ngobe umsebenti wakho uyawunikwa umvuzo. Bayawubuya eveni lesitsa,” kusho Simakadze.

Danyela 10:19

Watsi: “Ungesabi, wena ndvodza letsandzeke kakhulu. Kuthula! Cina manje, ube nesibindzi.” Watsi kube akhuluma nami, ngacina lidvolo, ngatsi: “Khuluma, nkhosi yami, ngobe naku sewungicinise emandla.”

Zakhariya 8:9

Naku lokushiwo nguSimakadze longuSomandla, utsi: “Nine leniwevako nyalo lamavi labekhulunywa baphrofethi lababekhona ngesikhatsi kubekwa tisekelo tendlu yaSimakadze longuSomandla, cinisani tandla tenu kuze litekwakhiwa lelithempeli.

Matewu 5:12

Jabulani nitfokote, ngobe umvuzo wenu mkhulu ezulwini; ngobe nebaphrofethi labanendvulela babatingela babahlupha kanjalo.”

Matewu 5:46

Kambe nanitsandza labanitsandzako, ninamvuzo muni? Abenti njalo yini nebatselisi?

Matewu 6:1

“Kepha caphelani ningakwenti kulunga kwenu embikwebantfu ngenhloso yekutsi nibonwe ngibo, funa nibete umvuzo kuYihlo losezulwini.

Matewu 6:18

kuze bantfu bangakuboni kutsi uzilile, kodvwa ubonwe nguYihlo losekusitsekeni; neYihlo lobona ekusitsekeni utakukunika umvuzo.”

Matewu 6:4

kuze sipho sakho sibesekusitsekeni, khona uYihlo lobona ekusitsekeni utakuvuza.”

Matewu 6:6

Kepha wena nawuthandaza, ngena endlini yakho uvale umnyango, uthandaze kuYihlo losekusitsekeni, khona uYihlo lobona ekusitsekeni utawukunika umvuzo.

Lukha 6:35

Cha! Tsandzani titsa tenu nitentele lokuhle, nitjeleke ningabheki lutfo! Niyawuba nemvuzo lomkhulu ezulwini, nibe ngemadvodzana aLosetikwako Konkhe. Ngobe unemusa kulabangabongi nakulababi.

1 kubaseKorinthe 15:58

Ngako-ke, bazalwane bami labatsandzekako, banini ngulabasimile labangaceki, nikhutsale emsebentini weNkhosi ngaso sonkhe sikhatsi, nati kutsi kusebenta kwenu akusilo lite eNkhosini.

1 kubaseKorinthe 16:13

Lindzani nisime ekukholweni, nibe ngemadvodza, nicine.

1 kubaseKorinthe 3:14

Nangabe umsebenti wemuntfu lawakhe esisekelweni ungashi, uyakwemukela umvuzo.

1 kubaseKorinthe 3:8

Lohlanyelako ulingana naloniselako, kodvwa ngulowo uyakwemukela umvuzo longangemsebenti wakhe.

Kubase-Efesu 6:10

Kwekugcina, cinani eNkhosini nasemandleni ayo lamakhulu.

KubaseKholose 3:24

Khumbulani kutsi nikhonta iNkhosi. Nati kutsi niyakwemukeliswa umvuzo welifa kuKhristu.

KumaHebheru 10:35

Ngako-ke ningasilahli lesibindzi senu sekwetsemba Nkulunkulu, ngobe sinemvuzo lomkhulu.

KumaHebheru 6:10

Ngobe phela Nkulunkulu akakhetsi, futsi angeke ayikhohlwe imisebenti yenu nelutsandvo lenilukhombise ekusiteni labangcwele, njengobe nenta namanje.

Joshuwa 1:6

“Cina, ube nesibindzi, ngobe utawuhola lesive kutsi siyekudla lelive lengaletsembisa boyisemkhulu ngesifungo kutsi ngitabapha lona libe lifa labo.

Joshuwa 1:7

Intfo nje, wena cina kakhulu, ube nesibindzi. Caphela, uyilalele yonkhe imitsetfo lowayinikwa nguMosi, inceku yami. Ungaphambuki kuyo, ngesekudla nome ngesancele, khona-ke uyakuphumelela nome ngukuphi lapho uya khona.

Joshuwa 1:9

Angikakuyali yini? Cina ube nesibindzi. Ungetfuki, futsi ungaphelelwa ngemandla, ngobe Simakadze Nkulunkulu wakho uyakuba nawe nome ngukuphi lapho uya khona.”

Joshuwa 14:14

Kusukela ngalelo langa iHebroni yaba yaKhalebi, umsa waJefune, umKhenizi, ngobe walandzela Simakadze, Nkulunkulu wema-Israyeli, ngayo yonkhe inhlitiyo yakhe.

2 yaJohane 1:8

Ticapheleni nine, kuze ningalahlekelwa nguloko lesikusebentele, kodvwa nemukeliswe umvuzo wenu lophelele.

Ruthe 2:12

Shangatsi Simakadze angakunika umvuzo ngaloku lose ukwentile. Shangatsi Simakadze, Nkulunkulu wema-Israyeli, angakunika umvuzo lophelele, njengobe naku sewukhosele ngaphansi kwakhe nje.”