2 Tikhronike 15:17 - Siswati 1996 Bible

¹⁷ Nome Asa angazange atisuse letindzawo letiphakeme tekukhontela tithico ka-Israyeli, noko inhlitiyo yakhe yayitinikele ngalokuphelele kuSimakadze ekuphileni kwakhe konkhe.

2 Tikhronike 15:17 ပူးပေါင်းရင်းမြစ်များ

1 Emakhosi 11:4

Ngesikhatsi Solomoni akhula, emakhosikati akhe abeya ngekuya kuphambukisela inhlitiyo yakhe etithicweni tawo; inhlitiyo yakhe yayingasekatinikeli ngalokuphelele kuSimakadze longuNkulunkulu wakhe, njengenhlitiyo yeyise Davide.

1 Emakhosi 22:43

Kuko konkhe Jehoshafati wahamba etinyatselweni teyise Asa, akazange aphambuke kuto, wenta lokuhle emehlweni aSimakadze. Noko tindzawo letiphakeme tekukhontela tithico akazange atisuse, ngako bantfu babesachubeka nekwentela kuto imihlatjelo batfuncise netimphepho.

2 Emakhosi 12:3

Noko tindzawo letiphakeme tekukhontela tithico tatingakesuswa; bantfu bachubeka nekwentela kuto imihlatjelo batfuncisa khona nemphepho.

2 Emakhosi 14:4

Kodvwa tindzawo letiphakeme tekukhontela tithico tona atizange tisuswe; bantfu babechubeka banikelela kuto imihlatjelo yekushiswa, batfuncisa nemphepho khona.

2 Tikhronike 15:16

Inkhosi Asa yaphindze yehlisa gogo wayo, Makha, esikhundleni sebundlovukazi, ngobe abakhe insika ya-Ashera leyayisinengiso. Asa wageca lensika wayijuba ticucu, wayishisela eSigodzini saseKhidroni.

2 Tikhronike 15:18

Wangenisa ethempelini laNkulunkulu isiliva negolide kanye netintfo letatinikelwe nguye baneyise.

2 Tikhronike 17:6

Inhlitiyo yakhe yayitinikele etindleleni taSimakadze, ngetulu kwaloko wesusa tonkhe tindzawo letiphakeme tekukhontela tithico kanye netinsika ta-Ashera kaJuda.

2 Tikhronike 20:32

Jehoshafati wahamba etinyatselweni teyise Asa, akazange aphambuke kuto, wenta lokuhle emehlweni aSimakadze.

2 Tikhronike 20:33

Noko tindzawo letiphakeme tekukhontela tithico akazange atisuse, ngako bantfu tinhlitiyo tabo babengakatibeki kuNkulunkulu waboyise.

2 Tikhronike 28:4

Wanikela nangemihlatjelo, watfuncisa imphepho etindzaweni letiphakeme, nasetulu eticongweni temagcuma, nangephansi kwetihlahla letikhulu letendlele emagala ato.

2 Tikhronike 33:17

Noko bantfu bona bachubeka kwenta imihlatjelo etindzaweni letiphakeme lababekhonta kuto tithico, kodvwa babeyentela Simakadze, Nkulunkulu wabo, yena yedvwa.