2 Tikhronike 14:7 - Siswati 1996 Bible

⁷ Wakhuluma nesive sonkhe sakaJuda, watsi: “Asiwakhe lamadolobha, sakhe netibondza letiwatungeletako, nemibhoshongo nemasango kanye nemicabo. Lelive kusengeletfu, ngobe siyentile intsandvo yaSimakadze Nkulunkulu wetfu. Simfunile, yena wase usipha kuthula yonkhe indzawo.” Ngako bavele bachubeka nekwakha, bachuma.

2 Tikhronike 14:7 ပူးပေါင်းရင်းမြစ်များ

1 Emakhosi 15:23

Leminye imininingwane ngekubusa kwa-Asa, nako konkhe laphumelela kukwenta, nayo yonkhe imphumelelo yakhe, nemadolobha lawakha, kubhaliwe encwadzini yemilandvo yemakhosi akaJuda. Ekugugeni kwakhe noko tinyawo takhe tase tiyachwala.

1 Tikhronike 28:9

“Wena-ke, Solomoni, ndvodzana yami, yenta Nkulunkulu weyihlo abe ligugu kuwe, umkhonte ngayo yonkhe inhlitiyo yakho nangengcondvo levumako, ngobe Simakadze uhlolisisa tonkhe tinhlitiyo acondzisise tonkhe tinjongo temicabango. Nawumfuna, utamtfola; kodvwa nawumlahla, naye utakuyekela phakadze naphakadze.

2 Tikhronike 14:4

Wayala sonkhe sive sakaJuda kutsi sifunisise Simakadze, Nkulunkulu waboyise, nekutsi silalele imitsetfo nemiyalo yakhe.

2 Tikhronike 14:6

Wakha emadolobha latinqaba kulo lonkhe lakaJuda, njengobe live lalisenekuthula. Kute labehlaselana naye ngaleso sikhatsi, ngobe Simakadze abemuphe kuphumula.

2 Tikhronike 15:15

Bonkhe bakaJuda basijabulela lesifungo, ngobe babesifunge ngenhlitiyo yabo yonkhe. Bafunisisa Simakadze, bamtfola. Ngako Simakadze wabanika kuphumula ndzawana tonkhana.

2 Tikhronike 17:13

waba nekudla lokunyenti lokwakugciniwe emadolobheni akaJuda. Lapha eJerusalema abemise bonsukuwansuku bemachawe emphi.

2 Tikhronike 17:17

KaBhenjamini bekume kanje: Eliyada, labesihlabani selisotja, yena abenemadvodza lati-200 000 labehlome ngebutjoki nangemahawu.

2 Tikhronike 20:30

Umbuso waJehoshafati waba nekuthula, ngobe Nkulunkulu abesamnike kuphumula ndzawana tonkhana letatimtungeletile.

2 Tikhronike 25:5

Amasiya wabita sonkhe sive sakaJuda, wasimisa njengekwetindlu taso, phansi kwetindvuna tetinkhulungwane netemakhulu kulo lonkhe lakaJuda nelakaBhenjamini. Wase ubala bonkhe lababeneminyaka lengema-20 nalengetulu, wakhandza kutsi babengemadvodza lati-300 000, emajaha labengalungela kulwa imphi, labengakhona kuhloma ngesikhali nangelihawu.

2 Tikhronike 26:13

Bona babehola emadvodza emphi lati-307 500 labececeshelwe kulwa timphi, bangemabutfo lanemandla ekusekela nekuvikela inkhosi etitseni tayo.

2 Tikhronike 32:5

Hezekiya wasebenta kamatima aphishanekile avusetela tonkhe tindzawo telubondza letase tibhidlikile, akha nemibhoshongo kulo. Waphindze wakha lolunye lubondza ngaphandle kwalolo, wacinisa kabusha tibebesi eDolobheni laDavide. Wabuye wenta incumbi yetikhali tekulwa kanye nemahawu.

2 Tikhronike 8:5

Wavusa iBhethi Horoni Lengenhla naLengentasi, aba ngemadolobha labiyelwe ngetibondza nemasango lanemicabo,

Johane 9:4

Kufanele sisebente imisebenti yalowo longitfumile, kusesemini; buyeta busuku, lapho kuyawubate loyawuba nemandla ekusebenta.

Imisebenti yebaPhostoli 9:31

Ngako-ke libandla kulo lonkhe laseJudiya naseGalile naseSamariya laba nesikhatsi sekuthula. Lakhiwa, lakhula ngebunyenti ngekusitwa nguMoya Longcwele liphila imphilo yekwesaba iNkhosi.

Joshuwa 23:1

Kwatsi kube kwendlule sikhatsi lesidze naSimakadze asanike ema-Israyeli kuphumula etitseni tawo tonkhe letatiwatungeletile, Joshuwa, labesamdzala akhulile ngeminyaka,

1 yaPhetro 3:12

Ngobe emehlo eNkhosi ayababona labalungile, netindlebe teNkhosi tiyayiva imithandazo yabo. Kodvwa iNkhosi iyemelana nalabo labenta lokubi.”