2 Tikhronike 14:11 - Siswati 1996 Bible

¹¹ Asa wakhala kuSimakadze Nkulunkulu wakhe, watsi: “Hawu, Simakadze, kute lofanana nawe ngekusita lote emandla umvikele kulonemandla. Sisite, Simakadze Nkulunkulu wetfu, ngobe setsembele kuwe, futsi site kutekulwa nalemphi lenkhulu kangaka, ngobe setsembele ebitweni lakho. Awu, Simakadze, wena unguNkulunkulu wetfu; ungavumeli muntfu kutsi akuncobe.”

2 Tikhronike 14:11 ပူးပေါင်းရင်းမြစ်များ

1 Emakhosi 8:44

“Nangabe sive sakho siphuma imphi siyekulwa netitsa taso, nome ngukuphi lapho usiyisa khona, bese sikhuleka kuSimakadze sibheke kulelidolobha lolikhetsile, nakulelithempeli lesengilakhile, ngalakhela Libito lakho,

1 Tikhronike 5:20

Babeka litsemba labo kuNkulunkulu, bathandaza kuye, bacela lusito. Nkulunkulu wayiphendvula imithandazo yabo, wabenta basincoba sive sakaHagari kanye netive letatisitana naso.

2 Tikhronike 13:12

Nkulunkulu unatsi, yena ungumholi wetfu. Baphristi bakhe labaphetse emacilongo abo batakuwashaya, khona sitekulwa nani. Madvodza aka-Israyeli, ningalwi naSimakadze, Nkulunkulu waboyihlo, ngobe ningeke niphumelele.”

2 Tikhronike 13:14

BakaJuda bagucuka babona kutsi bese bahlaselwa ngembili nangemuva. Base bakhala kuSimakadze. Baphristi bashaya emacilongo abo,

2 Tikhronike 13:15

kwatsi emadvodza akaJuda amemeta kutsi kuhlaselwe. Kwatsi kuloko kumemeta kwabo Nkulunkulu wacosha Jerobowamu nawo onkhe ema-Israyeli abalekela Abiya nemaJuda.

2 Tikhronike 13:18

Ema-Israyeli ehlulwa kanjalo, kwatsi bakaJuda bancoba, ngobe babencike kuSimakadze Nkulunkulu waboyise.

2 Tikhronike 14:10

Asa waphuma wayawumhlangabeta, batsatsa tindzawo tabo tekulwa eSihosheni saseSefatha, eceleni kweMaresha.

2 Tikhronike 16:7

Ngaleso sikhatsi Hanani, umboniswa, weta ku-Asa, inkhosi yakaJuda, wakhuluma kuye watsi: “Njengobe wetsembele enkhosini yaseSiriya, esikhundleni sekwetsembela kuSimakadze Nkulunkulu wakho, umbutfo waseSiriya sewukushiyile wakubalekela.

2 Tikhronike 18:31

Letindvuna tetincola temphi tatsi natibona Jehoshafati, tacabanga tatsi: “Ngiyo inkhosi yaka-Israyeli.” Ngako tagucukela kuye tiyakumhlasela, kodvwa watsi Jehoshafati nakakhala amemeta, Simakadze wamsita. Nkulunkulu wabakhweshisa kuye,

2 Tikhronike 20:12

Awu, Nkulunkulu wetfu, ungeke ubehlulele yini? Ngobe tsine site emandla ekubhekana nalemphi lenkhulu kangaka letewusihlasela. Asati kutsi kufanele senteni, kodvwa emehlo etfu abuke kuwe.”

2 Tikhronike 20:32

Jehoshafati wahamba etinyatselweni teyise Asa, akazange aphambuke kuto, wenta lokuhle emehlweni aSimakadze.

2 Tikhronike 25:8

Nome bewungahamba uyewuhlasela ngesibindzi emphini, Nkulunkulu uyawukwehlula embikwetitsa takho, ngobe Nkulunkulu unemandla ekusita newekwehlulekisa.”

2 Tikhronike 26:7

Nkulunkulu wamsita ekuhlaseleni kwakhe emaFilisti nema-Arabu labehlala eGuri Bhali, wamsita nasekuhlaseleni emaMehuni.

2 Tikhronike 32:20

Inkhosi Hezekiya ikanye nemphrofethi Isaya, umsa wa-Amose, bakhala kuNkulunkulu, bacela lusito lwakhe ngalendzaba.

2 Tikhronike 32:8

Kuye kunemkhono wenyama, kodvwa kitsi kunaSimakadze Nkulunkulu wetfu lotasisita atilwe letimphi tetfu.” Bantfu bema sibindzi ngaloko Hezekiya, inkhosi yakaJuda, lakusho kubo.

Tihlabelelo 120:1

Nangisekuhluphekeni, ngiyakhala kuSimakadze, yena angiphendvule.

Tihlabelelo 18:6

Ngakhala kuSimakadze ngisekudzangaleni kwami, ngacela lusito kuNkulunkulu wami. Waliva livi lami asendlini yakhe, kuncusa kwami, nekukhala kwami, nekuthandaza kwami kwangena etindlebeni takhe.

Tihlabelelo 20:5

Asimemete sijabulele kuncoba kwakho, asibetsele sishaye tandla egameni laNkulunkulu wetfu. Shangatsi Simakadze angaphumelelisa tonkhe ticelo takho.

Tihlabelelo 20:7

Labanye bantfu bachoshe ngetincola temphi, labanye bachoshe ngemahhashi, kodvwa tsine sigabe ngelibito laSimakadze longuNkulunkulu wetfu.

Tihlabelelo 20:8

Labantfu bacimuleka bawe phansi, kepha tsine sima sitsi zica.

Tihlabelelo 22:5

Bakhala kuwe, wabasindzisa; bakwetsemba, abazange bajabhiswe.

Tihlabelelo 22:6

Kepha mine angisesiye muntfu walutfo, sengaba ngumbungu nje, ngisetfuko sebantfu, nenhlekisa esiveni.

Tihlabelelo 34:6

Ngangingumuntfu losihlupheki, ngakhala kuSimakadze, wangiva, wangisindzisa kuko konkhe kuhlupheka kwami.

Tihlabelelo 37:5

Nikela indlela yakho kuSimakadze, umetsembe, yena-ke uyawukutsatsela tinyatselo.

Tihlabelelo 50:15

Khala kimi ngetikhatsi tekuhlupheka, ngiyawukukhulula, bese uyangidvumisa.”

Tihlabelelo 9:19

Vuka, Simakadze! Ungavumi kutsi umuntfu akwedzelele, betive abehlulelwe embikwakho!

Tihlabelelo 91:15

Uyawungibita ngiphendvule ngibe naye ekuhluphekeni, ngimuphe kuphepha nekuhlonipheka.

Eksodusi 14:10

Ema-Israyeli atsi ayabuka abona Faro etile nemphi yakhe asondzela, ase efikelwa kwesaba lokukhulu. Atikhalela kuSimakadze.

Taga 18:10

Libito laSimakadze liyinqaba lecinile, lapho kungabalekela khona bantfu labalungile basindze.

Isaya 10:20

Ngalelo langa insali yaka-Israyeli, ngisho labo labasasele bendlu yakaJakobe, bangeke basetsembela kuye lowo lowabashaya balahleka phansi; kodvwa bayakwetsembela ngeliciniso kuSimakadze, Longcwele waka-Israyeli.

Isaya 2:22

Yekelani kwetsembela kubantfu, emakhaleni abo kunekuphefumula nje. Empeleni bayini nje?

Isaya 26:13

Awu, Simakadze, Nkulunkulu wetfu, lamanye emakhosi langasiye wena abusile etikwetfu; kodvwa Libito lakho, ngilo lodvwa lesilihloniphako.

Jeremiya 1:19

Bayakulwa nawe, kodvwa bangeke bakwehlule, ngobe mine nginawe, futsi ngiyawukwelekelela,” kusho Simakadze.

Levithikusi 26:8

Labasihlanu benu bayawuba nemandla ekwehlula likhulu lato, nelikhulu lenu liyawuba nemandla ekwehlula titsa leti-10 000; yebo, titsa tenu niyawutehlula niticotfule ngenkemba.

Amose 5:9

Umanyatisa imbhubhiso kulabanemandla, abhidlite lidolobha leliyinqaba.

Zakhariya 2:8

Ngobe naku lokushiwo nguSimakadze longuSomandla, longitfumile wangipha emandla kutsi ngimelane netive letiniphangile, ngobe umuntfu lotsintsa nine utsintsa inhlavu yeliso laSimakadze.

Matewu 16:18

Nami-ke ngitsi: UnguPhetro . Etikwalelidvwala ngiyakulakha libandla lami, nemandla ekufa angeke alehlule.

Johane 14:1

“Inhlitiyo yenu ingakhatsateki, kholwani nguNkulunkulu nikholwe nangimi.

Johane 14:27

“Nginishiya nekuthula. Lokuthula lenginipha kona akufanani nesipho selive. Tinhlitiyo tenu tingabokhatsateka futsi tingesabi.

Imisebenti yebaPhostoli 2:21

Labo-ke, labayawulibita libito leNkhosi, bayawusindziswa.” ’

Imisebenti yebaPhostoli 3:16

Ligama laJesu nekukholwa egameni lakhe lokucinise lendvodza leniyibonako naleniyatiko; nekukholwa lokungaJesu kunike imphilo lephelele kulomuntfu, njengobe nani nibona nje.

Imisebenti yebaPhostoli 9:4

Washayeka phansi, weva livi litsi kuye: “Sawula! Ye Sawula! Ungihluphelani?”

KubaseRoma 8:31

Siyawutsini-ke ngaloku? Nangabe Nkulunkulu angakitsi ngubani longamelana natsi?

Dutheronomi 32:27

Kodvwa ngakwesaba kucolosha kwesitsa, funa sitsa singacondzisisi kahle, bese sitsi: “Sandla sami sincobile akukentiwa nguSimakadze konkhe loku.” ’

Dutheronomi 32:30

Kodvwa indvodza yinye ingawacosha kanjani emadvodza layinkhulungwane, nome-ke lamabili acoshe emadvodza latinkhulungwane letilishumi, ngaphandle kwekutsi Lidvwala labo libatsengisile, ngaphandle kwekutsi Simakadze ubanikele kubo?

Dutheronomi 32:36

Simakadze uyawusehlulela sive sakhe. Unesihawu etincekwini takhe, nase abone kutsi emandla ato aphelile, sekute namunye losasele, sigcili nome lokhululekile.

Tikhulu 7:7

Simakadze wakhuluma kuGideyoni, watsi: “Ngalamadvodza langema-300 lanatse ngekucapha ngitanisindzisa, nginikele emaMidiyani etandleni takho. Hambisa onkhe lawa lamanye emadvodza, ngulowo nalowo abuyele kubo.”

1 Samuweli 14:6

Jonathani wakhuluma kuloludzibi lwakhe, watsi: “Kota sambe, siye kulenkambu lapho kumise khona labantfu labangakasoki. Mhlawumbe Simakadze utawuba ngakitsi. Kute lokungavimba Simakadze kutsi asimelele. Kute lokungaphatamisa Simakadze kutsi asisindzise ngebantfu labanyenti nome ngebantfu labambalwa.”

1 Samuweli 17:47

nekutsi bonkhe labantfu lababutsene lapha bati kutsi Simakadze akasindzisi ngenkemba nangesikhali. Ngobe imphi ngeyaSimakadze, nguye lotaninikela nonkhe etandleni tetfu.”

1 Samuweli 2:9

“Uyakwelusa tinyawo talabangcwele bakhe, kodvwa lababi bona bayawubhujiswa ebumnyameni. Ngobe umuntfu akancobi ngetikhwepha takhe.