2 Samuweli 21:9 - Siswati 1996 Bible

⁹ Wabaniketela kubantfu baseGibeyoni lababatsatsa bababulala; babalengisa entsabeni embikwaSimakadze. Babulawelwa khona bonkhe bobasikhombisa. Babulawa ngemalanga anakucalwa kuvuna, ngaso leso sikhatsi nakucala kuvunwa ibhali.

2 Samuweli 21:9 ပူးပေါင်းရင်းမြစ်များ

2 Samuweli 21:6

sicela kutsi sinikwe batukulu bakhe labasikhombisa labadvuna, batewulengiswa lapha embikwaSimakadze eGibeya, edolobheni lakhe Sawula, inkhosi leyakhetfwa nguSimakadze.” Inkhosi yabaphendvula yatsi: “Ngitaninika bona.”

2 Samuweli 6:17

Libhokisi laSimakadze baliletsa balibeka endzaweni yalo ekhatsi ethendeni Davide labelakhele lona, Davide wenta umhlatjelo wekushiswa kanye neminikelo yebudlelwane embikwaSimakadze.

2 Samuweli 6:21

Davide wamphendvula watsi: “Bengigcabashula embikwaSimakadze lona lowakhetsa mine kuneyihlo, nakubo bonkhe bantfu basendlini kakhe, mzukwane angigcoba kutsi ngibe ngumholi etikwesive saSimakadze, ema-Israyeli. Ngisetawugiya embikwaSimakadze.

Eksodusi 20:5

Ungasikhotsameli nome usikhonte, ngobe mine Simakadze, Nkulunkulu wakho, nginguNkulunkulu lonesikhwele. Labo labangitondzako sijeziso sami ngesono saboyise ngisehlisela ngisho nakubantfwana babo besitukulwane sesitsatfu nesesine.

Eksodusi 9:31

Iflekisi nebhali kwavitsiteka kwaphela nya; phela ibhali yase ivutsiwe, kantsi iflekisi yayisashakata.

Eksodusi 9:32

Kodvwa kolo nesipelite akuvitsitekanga, ngobe kuvutfwa kamuva.

Numeri 25:4

Simakadze wakhuluma kuMosi, watsi: “Tsatsa bonkhe baholi balesive, ubabulale, bese ubeneka emini kubona wonkhe umuntfu embikwaSimakadze, khona kutewutsi lulaka lolwesabekako lwaSimakadze lungetiwusivutsela lesive saka-Israyeli.”

Dutheronomi 21:22

“Nangabe umuntfu anikwe sigwebo sentsambo, bese uyabulawa, sidvumbu sakhe siphanyekwe elugodvweni,

Ruthe 1:22

Wancandzeka kanjalo-ke Nawomi namalukatane wakhe labengumMowabi, baphuma eveni lemaMowabi. Lapha eBhetlehema befika nakucala kuvunwa ibhali.

1 Samuweli 15:33

Kodvwa Samuweli wakhuluma kuye, watsi: “Njengobe inkemba yakho yacotfula bantfwana bebafati, kanjalo nenyoko naye utakwentiwa angabi naye umntfwana emkhatsini webafati.” Samuweli wahlahlela Agagi embikwaSimakadze eGilgali.