2 Samuweli 13:22 - Siswati 1996 Bible

²² Absalomu akazange akhulume ngisho nalelilodvwa livi lelihle nome lelibi ku-Amnoni. Watondza Amnoni, ngobe abehlazise dzadzewabo longuThamari.

2 Samuweli 13:22 ပူးပေါင်းရင်းမြစ်များ

Genesisi 31:24

Kodvwa Nkulunkulu weta wakhuluma ngeliphupho kuLabani, umSiriya, watsi: “Ucaphele ungakhulumi lokuhle nome lokubi kuJakobe.”

1 yaJohane 3:15

Umuntfu lotondza umzalwane ungumbulali, nani-ke niyati kutsi kute umuntfu longumbulali lonekuphila lokuphakadze.

Genesisi 24:50

BoLabani naBethuweli baphendvula batsi: “Lendzaba le iphuma kuSimakadze. Tsine kute lesingakusho.

1 yaJohane 2:11

Kodvwa lowo lotondza umzalwane wakhe usebumnyameni, uhamba ebumnyameni, futsi akati nekutsi uyaphi, ngobe bumnyama buphumphutsekise emehlo akhe.

1 yaJohane 2:9

Umuntfu lotsi usekukhanyeni, kodvwa abe atondza umzalwane wakhe, usebumnyameni nanyalo.

Kubase-Efesu 4:31

Konkhe lokubabako, nelulaka, nekutfukutsela, nemsindvo, nekuhlambalata akususwe kini, kanye nako konkhe lokubi.

Kubase-Efesu 4:26

Tfukutselani, kodvwa ningoni; lilanga lingashoni solomane nitfukutsele.

Matewu 18:15

“Nangabe umzalwane onile nome akonile, hamba kuye umbonise liphutsa lakhe ninobabili. Nakulalela, uyawube umzuzile lomzalwane.

Umshumayeli 7:9

Ungasheshi ucansuke emoyeni wakho, ngobe intfukutselo ihlala esifubeni sesilima.

Taga 26:24

Umuntfu lotentisako ukhuluma kamnandzi, kantsi enhlitiyweni yakhe ufihle kuyengana.

Taga 25:9

Nawunelicala namakhelwane wakho, khulumisana naye nilungisane; ungayibhabati imfihlo yalomunye umuntfu,

Taga 10:18

Umuntfu lofihla inzondo yakhe unemanga, nalowo lowandzisa emanga usilima.

Genesisi 31:29

Nginawo emandla ekukulimata; kodvwa Nkulunkulu weyihlo ukhulume kimi itolo ebusuku ephusheni watsi: ‘Ucaphele, ungakhulumi lokuhle nome lokubi kuJakobe.’

1 yaJohane 3:10

Bantfwana baNkulunkulu nebantfwana baSathane babonakala ngaloku: Umuntfu longenti kulunga nalongatsandzi umzalwane wakhe, akasiye waNkulunkulu.

1 yaJohane 3:12

Singabi njengaKhayini labe waLomubi, wabulala umnakabo. Wambulalelani-ke? Wambulala, ngobe imisebenti yakhe yayimibi, kantsi lena ya-Abela, umnakabo, yayilungile.

2 Samuweli 13:21

Watsi kube Davide akuve konkhe loko, watfukutsela wagaya tiboti.

Taga 26:26

Inzondo yakhe angayimbonya ngemavi ekutentisa, kodvwa bubi bakhe buyawubasebaleni ngalelinye lilanga.