2 kubaseThesalonika 3:5 - Siswati 1996 Bible

⁵ Shangatsi iNkhosi ingacondzisa tinhlitiyo tenu elutsandvweni lwaNkulunkulu nasekubeketeleni kwaKhristu.

2 kubaseThesalonika 3:5 ပူးပေါင်းရင်းမြစ်များ

1 Emakhosi 8:58

Akamane agucule tinhlitiyo tetfu tibuke kuye, kutsi sihambe ngato tonkhe tindlela takhe, sigcine imiyalo yakhe, netimiso takhe, nemitsetfo yakhe layinika bobabemkhulu.

1 Tikhronike 29:18

Yebo, Simakadze, Nkulunkulu wabobabe Abrahama, na-Isaka, na-Israyeli, gcina lenshisekelo etinhlitiyweni tesive sakho phakadze naphakadze, wente tinhlitiyo tabo tihlale tetsembeke kuwe.

Tihlabelelo 119:36

Condzisa inhlitiyo yami ekutfobeleni timiso takho, ingalitjatiswa yingcebo.

Tihlabelelo 119:5

Shangatsi tindlela tami tingacondza njalo ekutigcineni timiso takho.

Tihlabelelo 40:1

Lusito lwaNkulunkulu ngalulindzela ngesineke, wavula indlebe yakhe, wakuva kuncusa kwami.

Taga 3:6

Matise kuko konkhe lokwentako, yena uyakucondzisa tindlela takho.

Jeremiya 10:23

Awu, Simakadze, ngiyati kutsi kute umuntfu lotiphatsele yena imphilo yakhe. Akusiko kwemuntfu kutsi aticondzisele yena tinyatselo takhe.

Jeremiya 31:33

Simakadze utsi: “Ngulesi sivumelwane lengiyakusenta nendlu yaka-Israyeli emvakwaleso sikhatsi: Ngiyawufaka umtsetfo wami etingcondvweni tabo, ngiwubhale etinhlitiyweni tabo. Ngiyawuba nguNkulunkulu wabo, bona babe bantfu bami.

Sililo 3:26

Kuhle kuyilindzela ngekuthula nangekubeketela insindziso yaSimakadze.

KubaseRoma 5:5

Litsemba alijabhisi, ngobe lutsandvo lwaNkulunkulu selutselwe etinhlitiyweni tetfu ngaMoya Longcwele, lesinikwe yena.

KubaseRoma 8:25

Kodvwa nasetsemba loko lesingakuboni, sikulindzela ngekubeketela.

KubaseRoma 8:28

Siyati kutsi Nkulunkulu usebentisa konkhe kube lusito kulabo labamtsandzako, lababitwe ngekwenjongo yakhe.

1 kubaseKorinthe 8:3

Kodvwa nangabe umuntfu atsandza Nkulunkulu, yena-ke watiwa nguye Nkulunkulu.

KubaseGalathiya 5:22

Kodvwa titselo taMoya nguleti: lutsandvo, nekujabula, nekuthula, nekubeketela, nebubele, nekulunga, nekwetsembeka,

Dutheronomi 30:6

Simakadze Nkulunkulu wenu uyawusoka tinhlitiyo tenu netinhlitiyo tetitukulwane tenu, kuze nitsandze yena ngayo yonkhe inhlitiyo yenu, nangawo wonkhe umphefumulo wenu, niphile.

1 kubaseThesalonika 1:10

Nonkhe nilindzele kuchamuka kweNdvodzana yakhe ezulwini, layivusa kulabafile. LeNdvodzana nguJesu losikhulula elulakeni lolutako.

1 kubaseThesalonika 1:3

kuNkulunkulu wetfu, longuBabe, sikhumbula imisebenti yenu yekukholwa, nemisiphalato yelutsandvo, nekubambelela kwenu etsembeni leliseNkhosini yetfu Jesu Khristu.

1 kubaseThesalonika 3:11

Shangatsi Nkulunkulu, longuBabe wetfu, yena matfupha neNkhosi yetfu Jesu angacondzisa indlela yetfu kini.

2 kuThimothi 4:8

Manje sengihlalelwe kutfola umchele wekulunga, lengibekelwe wona yiNkhosi, uMehluleli lolungile. INkhosi iyawunginika lowo mchele ngalelo langa, hhayi mine kuphela kodvwa bonkhe labetsabele kubuya kwayo.

kuThithusi 2:13

ngesikhatsi sisabheke kugcwaliseka kwelitsemba lelibusisekile, kubonakala kwenkhatimulo yebukhosi baNkulunkulu lomkhulu, uMsindzisi wetfu Khristu Jesu.

KumaHebheru 9:28

Kanjalo-ke naKhristu, asatinikele kanye kwetfwala tono talabanyenti, uyawubonakala ngekwesibili, asangaseteli sono, kodvwa asetele kuyawusindzisa labo labahlala bamlindzele.

YaJakobe 2:5

Ase nilalele, bazalwane bami labatsandzekako! Nkulunkulu akabakhetsanga yini labaphuyile lapha emhlabeni kutsi babe ngulabacebile ekukholweni, netindlalifa embusweni lawetsembisa labo labamtsandzako?

1 yaPhetro 4:1

Njengobe naKhristu wahlupheka emtimbeni ngenca yenu, nani hlomani ngalowo mcondvo, ngobe umuntfu lowake wahlupheka emtimbeni usuke asacedzile ngesono.

2 yaPhetro 3:12

nilindzele kufika kwelilanga laNkulunkulu, nisebentele kutsi lisheshe lifike. Lelo langa liyawuncibikilisa emazulu ngemlilo, netinkhanyeti tincibilikiswe kushisa.

1 yaJohane 4:19

Tsine sitsandza, ngobe kwacala yena wasitsandza.

Sembulo 1:9

Mine Johane, umzalwane wenu, nginesabelo kanye nani kuJesu ekuhlushweni, nasebukhosini, nasekuciniseleni. Ngangisesichingini, lesibitwa ngekutsi yiPhatmose, ngenca yekushumayela livi laNkulunkulu ngekufakaza ngaJesu.

Sembulo 13:10

Nakukhona lofanele kutfunjwa, akatfunjwe; nakukhona lofanele kubulawa ngenkemba, akabulawe ngayo. Loku kubita kucinisela nekukholwa kwalabangcwele.