2 kubaseThesalonika 2:2 - Siswati 1996 Bible

² kutsi ningasheshi nidvungeke engcondvweni yenu, ningetfuswa ngumoya nome ngemavi, nome yincwadzi lekungatsi iphuma kitsi. Konkhe loku kunganetfusi kutsi lilanga leNkhosi selifikile.

2 kubaseThesalonika 2:2 ပူးပေါင်းရင်းမြစ်များ

Isaya 26:3

Wena Simakadze, lowo lotimiselako ngawe uyamlondvolota, umuphe kuthula nenhlalakahle, ngobe abeke litsemba lakhe kuwe.

Isaya 7:2

Indlu yakaDavide yatjelwa kwatsiwa: “ISiriya itihlanganise nelaka-Efrayimu.” Ngako tinhlitiyo tabo-Ahazi kanye netebantfu bakhe tesaba tatfutfumela njengetihlahla telihlatsi, natinyakatiswa ngumoya.

Mikha 2:11

Lesive sifuna luhlobo lwebaphrofethi labaphrofetha emanga nenkhohliso, batsi: ‘Ngiphrofetha kutsi liwayini netjwala kuyawuba ngimifula yenu yekunatsa.’

Matewu 24:24

Ngobe kuyawuvela bokhristumbumbulu, nebaphrofethi bemanga, bente tibonakaliso letinkhulu netimangaliso, kuze kudukiswe nalabakhetsiwe nakunekwenteka.

Makho 13:7

Naniva emahemuhemu etimphi, netindzaba tetimphi, ningetfuki, ngobe letintfo tifanele kutsi tenteke, kodvwa noko umhla wekuphela uyawube ungakefiki.

Lukha 21:19

Ciniselani ngekubeketela kwenu, niyawutisindzisa ngaloko.”

Lukha 21:9

Ningesabi naniva ngetimphi nengucuko, ngobe letintfo kufanele tenteke kucala, kodvwa atisho kutsi siphetfo sesifikile.”

Johane 14:1

“Inhlitiyo yenu ingakhatsateki, kholwani nguNkulunkulu nikholwe nangimi.

Johane 14:27

“Nginishiya nekuthula. Lokuthula lenginipha kona akufanani nesipho selive. Tinhlitiyo tenu tingabokhatsateka futsi tingesabi.

1 kubaseKorinthe 1:8

Yena uyawunicinisa nani, kudzimate kube ngusekupheleni, nitfolakale nite licala mzukwana welilanga leNkhosi yetfu Jesu Khristu.

1 kubaseKorinthe 14:32

Imimoya yebaphrofethi itfobela baphrofethi,

1 kubaseKorinthe 7:26

Ngicabanga kutsi ngenca yekubandzeteleka lokukhona kuhle umuntfu ahlale anjengaloku anjalo.

Kubase-Efesu 5:6

Ningakhohliswa ngumuntfu ngemavi lalite, ngobe ngenca yaleto tintfo lulaka lwaNkulunkulu lwehlela etikwalabangamlaleli.

1 kubaseThesalonika 3:3

kuze kutsi kubete namunye wenu lohlubukako ngenca yekutanyatanyiswa nguletinhlupheko. Nine ngekwenu niyati kutsi simiselwe loko,

1 kubaseThesalonika 4:15

Ngaloko-ke sinitjela ngelivi leNkhosi kutsi tsine lesiyawube sisaphila ngelilanga lekubuya kweNkhosi singeke sibendvulele labo lesebafile.

1 kubaseThesalonika 5:2

Ngobe nine ngekwenu nati kahle kamhlophe kutsi lilanga leNkhosi liyawufika, njengelisela lifika ebusuku.

2 kubaseThesalonika 2:15

Ngako-ke, bazalwane, manini nicine, nibambelele kulawo maciniso lesanifundzisa wona ngemavi emlomo nangencwadzi yetfu.

2 kubaseThesalonika 3:17

Mine Pawula ngibhala lomkhontiso ngesandla sami, lolu luphawu lengilubhala kuto tonkhe tincwadzi tami.

Sembulo 19:20

Kodvwa lesilo satfunjwa, kanye nemphrofethi wemanga labenta tibonakaliso tekudukisa labo labaneluphawu lwesilo nalabasikhonta ngekukhotsamela lomfanekiso waso. Bobabili bajikijelwa baphila echibini lemlilo lelivutsa sibabule.