10 Kudzabuka lokukwaNkulunkulu kuveta kuphendvuka kube kusindziswa, kubete kutisola ngako; kodvwa kudzabuka lokukwemhlaba kuveta kufa.
Watsi kube Rakheli abone kutsi akamtaleli Jakobe bantfwana, waba nesikhwele ngadzadzewabo. Watsi kuJakobe: “Ngiphe bantfwana, ngaphandle kwaloko ngitakufa!”
Davide wakhuluma kuNathani, watsi: “Ngonile kuSimakadze.” Nathani waphendvula watsi: “Simakadze sewusisusile sono sakho. Ungeke usafa.
Wabuta Amnoni watsi: “Kwentiwa yini wena, ungumntfwanenkhosi, ubukeke uwombile onkhe emalanga? Ase ungitjele, kwente njani?” Amnoni watsi kuye: “Ngitsandza dzadzewetfu Thamari, wakabomnaketfu Absalomu.”
Ahithofeli watsi kube abone kutsi seluleko sakhe abakasilandzeli, wabophela imbongolo yakhe, waphuma, wabanga ekhaya kakhe lelalisedolobheni lakubo. Wacala walungisa kahle tonkhe tintfo tasemndenini wakakhe, wase uyatikhunga, wafa; wangcwatjwa edlizeni leyise.
Ngako Ahabi wabuyela ekhaya ahluneme atfukutsele, ngobe Nabothi waseJezreyeli atsite: “Ngingeke ngikunike lifa labobabemkhulu.” Wafike walala embhedzeni wakhe, acumbelene; wadvuba nekudla kudla.
Ngiyalivuma licala lekona kwami, ngidzabukile ngenca yesono sami.
Inhlitiyo lejabulile yenta buso bujabule; kodvwa ngelusizi umoya uyephuka.
Emalanga emuntfu lohluphekako mabi; kodvwa lonenhlitiyo lejabulile kuphila kwakhe kulidzili.
Kuhlala ujabulile kungumutsi lophilisako; kodvwa lohlala akhubekile utsatsa lejubako leya ekufeni.
Umoya wemuntfu umenta akubeketelele kugula; kodvwa umoya lodzabukile ngubani longawubeketelela?
Lusizi luncono kuneluhleko, ngobe buso lobudzabukile buyayilungela inhlitiyo.
Bayawuta bakhala; bayawuthandaza ngisababuyisela emuva. Ngiyawubaholela ngasemifuleni yemanti endleleni lebekile, lapho bangeyiwukhubatela khona, ngobe mine nginguyise wa-Israyeli, Efrayimu uyindvodzana yami yematubulo.
Bonkhe labasele labaphunyulile bayawubasetintsabeni babubule njengematuba asetihosheni, ngulowo ngenca yetono takhe.
Watsi kube Nkulunkulu abone loko labasebakwentile, kutsi batishiye tindlela tabo letimbi, watisola ngalokubi labeshito kutsi utabehlisela kona. Akazange abajezise.
Kodvwa bantfu netilwane akumbonywe ngetindvwangu temasaka kukhalwe kuNkulunkulu. Wonkhe umuntfu akaphendvuke endleleni yakhe lembi nasebudloveni lobusetandleni takhe.
Kodvwa Nkulunkulu watsi kuJona: “Unalungelo lini lekutfukutselela lomhlafutfo?” Yena-ke watsi: “Ngenta kahle kutsi ngitfukutsele; ngitfukutsele kutsi angife ngitsi saka!”
Phetro wase uyawakhumbula emavi aJesu ngesikhatsi atsi: “Lichudze litakutsi likhala, utakube sewungiphike katsatfu.” Wase uphumela ngephandle, wakhala kabuhlungu.
Jesu wachubeka watsi: “Ngalokufananako-ke, ngitsi kini: Tingilosi taNkulunkulu tiyawutfokota ngesoni sinye lesiphendvukako.”
“Kodvwa umtselisi eme khashane akazange abhekise ngisho nebuso bakhe ezulwini, kepha ngekutisola wathandaza watsi: ‘Nkulunkulu, ngihawukele mine soni!’ ”
Batsi nabeva loko, babindza, base badvumisa Nkulunkulu batsi: “Nembala Nkulunkulu sewunike nebetive litfuba lekuphendvukela ekuphileni.”
Ngako, phendvukani, nibuyele kuNkulunkulu, kuze esule licala letono tenu,
Ngesaba kutsi nangiphindze ngita lapho futsi, shangatsi Nkulunkulu wami angangitfobisa embikwenu, kutsi ngililele labo labonile labangakaphendvuki ekungcoleni, nasebugwadleni, nasebuphingini, nasenkhanukweni labayentile.
nyalo sengiyajabula, hhayi ngobe neva buhlungu, kodvwa ngobe kuva kwenu buhlungu kwanenta naphendvuka. Loko kuva kwenu buhlungu kwaya ngentsandvo yaNkulunkulu, ngako-ke kute lokwanilahlekela ngenca yetfu.
Emvakwaloko wafisa kudla lifa lesibusiso, kodvwa waliwa, njengobe nati. Phela, lase lingekho litfuba lekuphendvuka, nome abesakufuna ngetinyembeti.
Davide wadzabuka kakhulu, ngobe lamadvodza abesakhuluma ngekumgcoba ngematje. Ngulowo nalowo abemunyu emoyeni wakhe ngemadvodzana nangemadvodzakati akhe. Kodvwa Davide watfola emandla kuSimakadze Nkulunkulu wakhe.