2 kubaseKorinthe 6:17 - Siswati 1996 Bible

¹⁷ INkhosi yaphindza yatsi: “Phumani emkhatsini wabo, nehlukane nabo. Ningakutsintsi lokungcolile, ngiyawube sengiyanemukela.”

2 kubaseKorinthe 6:17 ပူးပေါင်းရင်းမြစ်များ

Isaya 52:11

Sukani, sukani, niphume eBhabhulona! Ningatsintsi lutfo lolungcolile ngekwemtsetfo! Phumani kulelo dolobha, nitihlambulule nibe msulwa, nine leniphatsa titja taSimakadze.

Sembulo 18:4

Ngase ngiphindze ngiva lelinye livi liphuma ezulwini litsi: “Sive sami, phumani kuyo, ningahlanganyeli nayo etonweni tayo, funa nehlelwe kuhlushwa kanye nayo.

2 kubaseKorinthe 7:1

Bazalwane, njengobe letetsembiso titetfu, asitihlante kuko konkhe lokungcolisa umtimba nemoya, siphile imphilo yebungcwele lobuphelele ngekwesaba Nkulunkulu.

Ezra 10:11

Manje vumani tono tenu kuSimakadze, Nkulunkulu waboyihlo, nente intsandvo yakhe. Tehlukaniseni kuletive letinitungeletile nakulabafati betive.”

Numeri 16:26

Wasiyala sonkhe sive, watsi: “Khweshani emathendeni aletigangi leti! Ningatsintsi lutfo etintfweni tabo, funa nani nikhukhulwe kanye netono tabo.”

Taga 9:6

Shiyani bulima benu, khona nitewuphila nihambe ngendlela yekucondza.”

Imisebenti yebaPhostoli 2:40

Phetro wafakaza kubo abancenga ngemavi lamanyenti, atsi: “Tisindziseni kulesitukulwane lesiphambene!”

Jeremiya 51:6

“Phumani nibaleke eBhabhulona! Phephisani timphilo tenu! Ningabhujiswa ngenca yetono tayo. Sesikhatsi sekuphindzisela kwaSimakadze; utayikhokhela ngaloko lokuyifanele.

Ezra 6:21

Ngako ema-Israyeli labebuye ekutfunjweni alidla, akanye nabo bonkhe lababetehlukanisele batigcina bangete benta tintfo letingcolile letatentiwa ngulaba betive lababebomakhelwane babo, khona batewufunisisa Simakadze, Nkulunkulu wema-Israyeli.

Numeri 16:21

“Khweshani kulesicumbi kuze ngisicedze masinyane.”

Numeri 16:45

“Sukani emkhatsini walabantfu, kuze ngibabhubhise ngekushesha.” Bobabili bakhotsama babhekisa tinhloko tabo phansi.

KubaseRoma 15:7

Ngako-ke yemukelanani, njengobe naKhristu anemukela, khona kutewudvunyiswa Nkulunkulu.

Jeremiya 15:17

Angizange sengihlale emkhambatsini webatsandzi bemadzili, angizange sengitijabulise kanye nabo. Ngahlala ngedvwana, ngobe sandla sakho sasisetikwami, wawungigcwalise ngentfukutselo enhlityweni.

Dutheronomi 14:6

Ningatidla tonkhe tilwane letehlukanisa tinselo kabili naletihlabulako.