2 Emakhosi 9:20 - Siswati 1996 Bible

²⁰ Lomahlalesangweni wabika watsi: “Sigijimi sesifikile kubo, kodvwa naso asisabonakali kubuya. Lokugijima ngencola yemphi kubonakala shangatsi kwaJehu, umsa waNimshi, ugijimisa kweluhlanya.”

2 Emakhosi 9:20 ပူးပေါင်းရင်းမြစ်များ

2 Samuweli 18:27

Logadzi watsi: “Kushangatsi kimi lona logijima embili, ngu-Ahimasi, umsa waSadoki.” Inkhosi yatsi: “Yindvodza-ke leyo; uta netindzaba letimnandzi.”

1 Emakhosi 19:17

Wonkhe lobalekela inkemba yaHazayeli uyakubulawa nguJehu, nalowo loyawubalekela inkemba yaJehu uyawubulawa ngu-Elisha.

2 Emakhosi 10:16

Jehu watsi: “Hamba nami ubone inshisekelo yami ngaSimakadze.” Ngako wamgibelisa encoleni yakhe wahamba naye.

2 Emakhosi 9:19

Ngako inkhosi yakhipha lesinye sitfunywa ngelihhashi, satsi nasifika kubo, satsi: “Naku lokushiwo yinkhosi, itsi: ‘Uta ngekuthula yini?’ ” Jehu naso wasiphendvula, watsi: “Utakwentani ngekuthula? Jikela ngasemvakwami, nawe ungilandzele.”

2 Emakhosi 9:2

Utawutsi ungefika lapho, ufune Jehu, umsa waJehoshafati, lotalwa nguNimshi. Ubofika ucondze kuye umkhiphe emkhatsini walabangani bakhe, umngenise ekamelweni lelingekhatsi kakhulu.

Umshumayeli 9:10

Wonkhe umsebenti losetandleni takho wente ngemandla akho onkhe, ngobe ethuneni lapho uya khona, kute kusebenta, nekucabanga, nelwati kanye nekuhlakanipha.

Isaya 54:16

“Buka la, ngimi lowadala umbumbi wetetinsimbi, lovutsela emalahle kutsi abe lilangabi, ente sikhali silungele umsebenti waso. Futsi ngimi lowadala umbhubhisi kutsi ente imbhubhiso;

Danyela 11:44

Kodvwa imibiko levela emphumalanga nasenyakatfo iyakuyetfusa, bese itihlelela kuphuma nemphi lenkhulu, iyewubhubhisa labanyenti bangaphindzi babe khona.

Habakhuki 1:6

Ngobe bukani-ke, ngivusa baseBhabhulona, leso sive lesingenamusa, nalesiphulukundlelako, lesidzabula wonkhe umhlaba sitewuphanga tindzawo tekuhlala letingasito taso.

Habakhuki 3:12

Ngelulaka wahambahamba wadzabula umhlaba, ngentfukutselo wagcobagcoba tive.