2 Emakhosi 9:11 - Siswati 1996 Bible

¹¹ Watsi Jehu nakaphumela kulabangani bakhe, lomunye wabo wambuta watsi: “Kusahamba kahle yini? Loluhlanya belutekwentani lapha kuwe?” Jehu wamphendvula, watsi: “Niyamati lomuntfu kanye naletintfo latikhulumako.”

2 Emakhosi 9:11 ပူးပေါင်းရင်းမြစ်များ

2 Emakhosi 4:26

Gijima uyekumhlangabeta, ufike umbute utsi: ‘Uyaphila yini? Isaphila yini indvodza yakhe? Umntfwana wakho yena usaphila yini?’ ” Lomfati waphendvula watsi: “Konkhe kuhamba kahle.”

2 Emakhosi 5:21

Ngako Gehazi wavele wagijima walandzela Namani. Watsi Namani nambona eta kuye agijima, wehla encoleni wamhlangabeta, wambuta, watsi: “Kungabe kukhona yini lesekonakele?”

2 Emakhosi 9:12

Batsi: “Unemanga! Sitjele.” Jehu wabaphendvula, watsi: “Naku lakushito kimi: ‘Naku lokushiwo nguSimakadze, utsi: “Ngiyakugcoba kutsi ube yinkhosi etikwa-Israyeli.” ’ ”

2 Emakhosi 9:17

Kwatsi mahlalesangweni waseJezreyeli nakatsi uphakamisa emehlo, asetulu embhoshongweni, wabona ngemabutfo aJehu eta avivile, wamemeta watsi: “Ngibona emabutfo eta avivile.” Joramu watsi: “Tfumela sigijimi lesingumgibeli, usitfume kutsi siyewubabuta sitsi: ‘Nita ngekuthula yini?’ ”

2 Emakhosi 9:19

Ngako inkhosi yakhipha lesinye sitfunywa ngelihhashi, satsi nasifika kubo, satsi: “Naku lokushiwo yinkhosi, itsi: ‘Uta ngekuthula yini?’ ” Jehu naso wasiphendvula, watsi: “Utakwentani ngekuthula? Jikela ngasemvakwami, nawe ungilandzele.”

2 Emakhosi 9:2

Utawutsi ungefika lapho, ufune Jehu, umsa waJehoshafati, lotalwa nguNimshi. Ubofika ucondze kuye umkhiphe emkhatsini walabangani bakhe, umngenise ekamelweni lelingekhatsi kakhulu.

2 Emakhosi 9:22

Watsi Joramu kube abone Jehu, wambuta watsi: “Ute ngekuthula yini, Jehu?” Jehu waphendvula watsi: “Kuthula kungaba khona kanjani, nangabe solomane kusekhona tithico nebutsakatsi benyoko Jezebeli?”

Isaya 59:15

Liciniso alisatfolakali ndzawo. Bonkhe lababalekela bubi batingelwa njengetinyamatane. Simakadze wabuka wangete wajabula, ngenca yekutsi sekute kulandzela umtsetfocotfo.

Jeremiya 29:26

‘Simakadze sewubeke wena kutsi ube ngumphristi esikhundleni saJehoyada, kutsi wengamele indlu yaSimakadze; kufanele-ke kutsi bonkhe bantfu labahlanyako batente shangatsi bayaphrofetha, ubafake esitokisini ubabophe tintsamo ngetinketane.

Hoseya 9:7

Emalanga esijeziso ayeta, yebo emalanga emphindziselo asasondzele, Israyeli kufanele akwati loko. Njengobe tono tenu titinyenti kangaka nebutsa benu bubukhulu kangaka, umphrofethi sewutsatfwa njengesilima, umuntfu wesembulo atsatfwe njengeluhlanya.

Makho 3:21

Bakubo batsi kube bakuve loko, baphutfuma bamlandza, ngobe kwase kutsiwa: “Usangene ingcondvo!”

Johane 10:20

Lamanyenti awo atsi: “Unelidimoni! Uyahlanya! Nine nimlalelelani?”

Imisebenti yebaPhostoli 17:18

Letinye tati letitsite tema-Ephikhuri nemaStoyiki taphikisana naye. Letinye tatsi: “Lesibhungayeti setama kutsini?” Letinye tatsi: “Shangatsi ushumayela ngabonkulunkulu labangatiwa.” Takusho loku ngobe Pawula abeshumayela ngaJesu nangekuvuka kwalabafile.

Imisebenti yebaPhostoli 26:24

Asabeka inkhulumo yekutivikela Pawula, Festusi wamemeta watsi: “Suka Pawula, uyahlanya! Lokufundza kakhulu kwakho kuyakuhlanyisa.”

1 kubaseKorinthe 4:10

Tsine sitilima ngenca yaKhristu, kodvwa nine nihlakaniphile kuKhristu. Tsine sibutsakatsaka ngenca yaKhristu, kepha nine ninemandla. Nine niyadvunyiswa, kepha tsine siyanyembenywa.

2 kubaseKorinthe 5:13

Nangabe sibukeka sitinhlanya, kungenca yaNkulunkulu. Nangabe sibukeka singahlanyi, kungenca yenu.