2 Emakhosi 8:8 - Siswati 1996 Bible

⁸ yatsi kuHazayeli: “Tsatsa sipho uhambe naso uyewuhlangabeta lomuntfu waNkulunkulu ngaso. Buta kuSimakadze ngaye, utsi: ‘Ngitawusindza yini kulokugula?’ ”

2 Emakhosi 8:8 ပူးပေါင်းရင်းမြစ်များ

1 Emakhosi 19:15

Simakadze wakhuluma kuye, watsi: “Ncandzeka ubuyele emuva ngendlela lote ngayo, ucondze eHlane laseDamaseko. Utawutsi ungefika khona, ugcobe Hazayeli, abe yinkhosi yaseSiriya.

1 Emakhosi 19:17

Wonkhe lobalekela inkemba yaHazayeli uyakubulawa nguJehu, nalowo loyawubalekela inkemba yaJehu uyawubulawa ngu-Elisha.

2 Emakhosi 1:16

Wafike watjela inkhosi, watsi: “Naku lokukhulunywa nguSimakadze, utsi: ‘Kungobe kute yini Nkulunkulu ka-Israyeli kutsi ungaze utfumele uyewubuta kuBhalzebubi, nkulunkulu wase-Ekroni? Njengobe wente loku, ungeke usuke kulombhedze lolele kuwo. Nakanjani utakufa!’ ”

2 Emakhosi 1:2

Inkhosi Ahaziya abewele phansi esuka egumeni lelalisetulu esitezi sakhe, lesasiseSamariya, walimala. Ngako-ke watfumela titfunywa watsi: “Hambani niyekuva kuBhalzebubi, nkulunkulu wase-Ekroni, kutsi ingabe kutawuphola yini lapho ngilimele khona.”

2 Emakhosi 1:6

Tayiphendvula tatsi: “Kukhona indvodza lesihlangabetile lefike yatsi: ‘Ncandzekani, nibuyele enkhosini lenitfumile, nifike niyibute nitsi: “Naku lokushiwo nguSimakadze, utsi: Kungobe kute yini Nkulunkulu ka-Israyeli, kutsi ungaze utfumele uyewubuta kuBhalzebubi, nkulunkulu wase-Ekroni? Ngako-ke ungeke usuke kulombhedze lolele kuwo. Nakanjani utakufa!” ’ ”

2 Emakhosi 5:5

Inkhosi yaseSiriya yaphendvula, yatsi: “Kulungile, hamba. Mine ngitawutfumela incwadzi lena enkhosini yaka-Israyeli.” Ngako Namani wahamba; abephetse isiliva leyayingemakhilogremu labengaba ngema-340, negolide leyayingemakhilogremu labengaba ngema-70, kanye netimphahla tekwembatsa tekuntjintja letilishumi.

Lukha 13:23

Lomunye wambuta watsi: “Nkhosi, kutawusindziswa bantfu labambalwa yini kantsi?” Jesu watsi kubo:

Imisebenti yebaPhostoli 16:30

Wase ubakhiphela ngephandle wababuta watsi: “Makhosi, kufanele ngente njani kuze ngisindziswe?”

1 Samuweli 9:7

Sawula wakhuluma esisebentini sakhe, watsi: “Nangabe siya kuye nyalo sitawufike simnikeni? Kudla bekulapha emasakeni etfu sekuphelile. Kute sipho lesingahamba naso siye kulomuntfu waNkulunkulu. Yini nje lesinayo?”