2 Emakhosi 8:7 - Siswati 1996 Bible

⁷ Elisha wesuka lapho waya eDamaseko; Bheni Hadadi, inkhosi yemaSiriya, abegula. Inkhosi yatsi nayitjelwa ngaloko kutsiwa: “Umuntfu waNkulunkulu udzabule lonkhe lelive waze wefika lapha,”

2 Emakhosi 8:7 ပူးပေါင်းရင်းမြစ်များ

Genesisi 14:15

Kwatsi ebusuku wahlelembisa libutfo lakhe ngeticheme talo. Wawahlasela wawehlula, wawacosha waze wawabeka eHoba, enyakatfo neDamaseko.

1 Emakhosi 11:24

Wabutsa emadvodza amsingatsa, waba ngumholi welicembu lemavukelambuso. Ngesikhatsi Davide abhubhisa emabutfo aseSobha, lamavukelambuso ehlela eDamaseko, lapho efika ahlala khona aba baholi.

1 Emakhosi 13:1

Ngelivi laSimakadze kwefika umuntfu waNkulunkulu eBetheli aphuma kaJuda, Jerobowamu aseme eceleni kwelilati kutekwenta umhlatjelo.

1 Emakhosi 15:18

Asa wase utsatsa yonkhe isiliva negolide leyayisele engcebeni yaSimakadze ethempelini nasesigodlweni sakhe. Wayiniketela etandleni tetinceku takhe watitfumela kuBheni Hadadi, umsa waThabrimoni, umsa waHeziyoni, inkhosi yaseSiriya leyayihlala eDamaseko.

1 Emakhosi 20:1

Bheni Hadadi, inkhosi yaseSiriya, wahlomisa onkhe emabutfo akhe, asitwa ngemakhosi langema-32 labehamba ngemahhashi nangetincola temphi; wenyuka wayawuhlasela iSamariya, wayivimbetela.

1 Emakhosi 20:34

Bheni Hadadi wakhuluma kuye, watsi: “Ngitakuwabuyisa onkhe lamadolobha latfunjwa ngubabe kuyihlo. Nawe ungatentela timakethe edolobheni laseDamaseko, njengobe nababe atenta eSamariya.” Ahabi waphendvula watsi: “Ngitakukhululela etikwalesivumelwane.” Ngako benta leso sivumelwane, wase uyamkhulula.

2 Emakhosi 1:2

Inkhosi Ahaziya abewele phansi esuka egumeni lelalisetulu esitezi sakhe, lesasiseSamariya, walimala. Ngako-ke watfumela titfunywa watsi: “Hambani niyekuva kuBhalzebubi, nkulunkulu wase-Ekroni, kutsi ingabe kutawuphola yini lapho ngilimele khona.”

2 Emakhosi 2:15

Lesicumbi sebaphrofethi lesasiphuma eJerikho, sibukela, satsi: “Lomoya wa-Elija sewusetikwa-Elisha.” Bahamba bayakumhlangabeta, bafike bawa phansi embikwakhe bamkhotsamela,

2 Emakhosi 5:20

Gehazi, inceku ya-Elisha, umuntfu waNkulunkulu, wacabanga watsi: “Inkhosi yami ihambise Namani, umSiriya, ngaphandle kwekumkhokhisa lutfo; ngabe ukwemukele loku abemnika kona. Ngifunga kuphila kwaSimakadze, mine ngitamlandzela, khona ngitawufike ngitsatse intfo letsite.”

2 Emakhosi 6:12

Lenye yaletindvuna tayo yaphendvula, yatsi: “Kute namunye lapha kitsi, nkhosi yami, nkhosi, kute loyimpimpi. Kodvwa ngu-Elisha, umphrofethi waka-Israyeli, lotjela inkhosi yema-Israyeli onkhe emagama lowakhuluma usendlini yakho yekulala.”

2 Emakhosi 6:24

Kwatsi emvakwesikhatsi Bheni Hadadi, inkhosi yemaSiriya, wahola yonkhe imphi yakhe wayawuvimbetela iSamariya.

2 Emakhosi 8:6

Inkhosi yabuta lomfati ngaloko, wayilandzisa. Inkhosi yase itfuma lenye yetindvuna tayo, yatsi: “Hamba unike lomfati konkhe lobekukwakhe, kanye nayo yonkhe inzuzo letfolakele ngemhlaba wakhe, kusukela ngelilanga lahamba ngalo kulelive kuze kube ngulamuhla.”

Isaya 7:8

Ngobe inhloko yaseSiriya yiDamaseko, nenhloko yeDamaseko nguResini kuphela. Kusengakapheli iminyaka lengema-65, baka-Efrayimu bayawube sebahlakateke kakhulu, sebangasesiso sive.

Jeremiya 40:5

Noko, Jeremiya angakagucuki kutsi ahambe, Nebuzaradani wengeta watsi: “Buyela emuva kaGedaliya, umsa wa-Ahikamu, umsa waShafani, lobekwe yinkhosi yaseBhabhulona etikwemadolobha akaJuda, uyewuhlala naye kanye nebantfu, nome-ke uye nome ngukuphi lapho utsandza kuya khona.” Ngako indvuna yabomahlalesangweni yamnika umphako nesipho, yase iyamyekela, wahamba.

Imisebenti yebaPhostoli 17:6

Kwatsi kube bangabakhandzi lapho, base bahudvula Jasoni nalabanye bazalwane babayisa etimantjini telidolobha, batsi: “Labantfu labadvungutelise umhlaba bawubhekisa phansi, sebadzimate befika nakulelidolobha lakitsi.

Dutheronomi 33:1

Lesi sibusiso Mosi, umuntfu waNkulunkulu, labusisa ngaso ema-Israyeli ngaphambi kwekufa kwakhe.

Tikhulu 16:2

Bantfu baseGaza batjelwa kwatsiwa: “Samsoni sewula.” Ngako bayikaka leyo ndzawo, bambhacela busuku bonkhe; bamlalele ngasesangweni lelidolobha. Busuku bonkhe bebangatsi khwasha, bacabanga batsi: “Kutawutsi nakudzabuka kusa, simbulale.”