2 Emakhosi 8:6 - Siswati 1996 Bible

⁶ Inkhosi yabuta lomfati ngaloko, wayilandzisa. Inkhosi yase itfuma lenye yetindvuna tayo, yatsi: “Hamba unike lomfati konkhe lobekukwakhe, kanye nayo yonkhe inzuzo letfolakele ngemhlaba wakhe, kusukela ngelilanga lahamba ngalo kulelive kuze kube ngulamuhla.”

2 Emakhosi 8:6 ပူးပေါင်းရင်းမြစ်များ

Genesisi 37:36

Lena eGibhithe, emaMidiyani afike atsengisa Josefa kuPhotifari, lomunye wetiphatsimandla taFaro; loPhotifari abeyindvuna yetingadzi tesigodlo.

2 Samuweli 9:7

Davide watsi: “Ungesabi, ngobe ngempela ngitakwentela umusa ngenca yeyihlo Jonathani. Ngitalibuyisela kuwe lonkhe lelo live lelalilamkhulu wakho Sawula, wena-ke utabodla nami njalo nje etafuleni lami.”

2 Emakhosi 8:5

Kwatsi ngaleso sikhatsi Gehazi asalandzisa inkhosi kutsi Elisha ubavuse kanjani labafile, kwangena lomfati, Elisha labemvusele umfanyana wakhe ekufeni, atewucela indlu yakhe nemhlaba wakhe. Gehazi watsi: “Nangu-ke lomfati, nkhosi yami, nkhosi; nalona ngulomfanyana wakhe lowavuswa ngu-Elisha ekufeni.”

2 Emakhosi 8:7

Elisha wesuka lapho waya eDamaseko; Bheni Hadadi, inkhosi yemaSiriya, abegula. Inkhosi yatsi nayitjelwa ngaloko kutsiwa: “Umuntfu waNkulunkulu udzabule lonkhe lelive waze wefika lapha,”

2 Emakhosi 9:32

Jehu wabuka etulu efasitelweni, wamemeta watsi: “Ngubani lome ngakimi? Ngubani?” Babili nome batsatfu batsenwa bambuka ngelifasitelo.

1 Tikhronike 28:1

Davide wabita tonkhe tiphatsimandla taka-Israyeli kutsi tihlanganele eJerusalema: Bekutindvuna letatiphetse tive, netindvuna letatiphetse emabutfo lasingatsa inkhosi, netindvuna tetinkhulungwane, netindvuna temakhulu, netindvuna letatengamele tonkhe timphahla kanye netifuyo tenkhosi, netemadvodzana ayo, kanye netindvuna tasesigodlweni, nemadvodza lanemandla kanye netingwazi temphi.

Taga 16:7

Nangabe umuntfu ajabulisa Simakadze ngesimilo sakhe, Simakadze ubese wenta titsa takhe tihlalisane kahle naye.

Taga 21:1

Inhlitiyo yenkhosi isesandleni saSimakadze, uyicondzisa kalula njengemanti emfula.

Dutheronomi 22:2

Nangabe lomnakenu akahlali edvute nawe, nome awumati kutsi ungubani, yitsatse uye nayo kakho, uyigcine adzimate efike seloku ayifuna, bese uyamnika.

Tikhulu 11:13

Inkhosi yema-Amoni yaphendvula letigijimi takaJeftha yatsi: “Kwatsi ema-Israyeli nakaphuma eGibhithe, efika lapha atsatsa live lami, kusukela e-Anoni kuze kuyewufika eJabhoki naseJordane. Manje-ke libuyiseni ngekuthula.”