2 Emakhosi 8:24 - Siswati 1996 Bible

²⁴ Jehoramu wase uyakhotsama, wafihlwa emadlizeni aboyisemkhulu, eDolobheni laDavide. Ahaziya, umsa wakhe, waba yinkhosi esikhundleni sakhe.

2 Emakhosi 8:24 ပူးပေါင်းရင်းမြစ်များ

1 Emakhosi 11:43

Solomoni wase uyakhotsama, wafihlwa edolobheni leyise Davide. Rehobowamu, umsa waSolomoni, waba yinkhosi esikhundleni sakhe.

1 Emakhosi 14:20

Wabusa iminyaka lengema-22, wabe sewuyakhotsama. Nadabi, umsa wakhe, wase uba yinkhosi esikhundleni sakhe.

1 Emakhosi 14:31

Rehobowamu wase uyakhotsama, wafihlwa emathuneni emakhosi, eDolobheni laDavide. Libito lenina bekunguNama, angum-Amoni; Abiya, umsa wakhe, waba yinkhosi esikhundleni sakhe.

1 Emakhosi 2:10

Davide wase uyakhotsama, wangcwatjwa eDolobheni laDavide.

2 Emakhosi 10:13

wahlangana naletinye tihlobo ta-Ahaziya, inkhosi yakaJuda, watibuta watsi: “Nibobani nine?” Tamphendvula tatsi: “Sitihlobo ta-Ahaziya, sesehlele kutawubingelela imindeni yenkhosi neyendlovukazi.”

2 Emakhosi 14:20

Wabuya asetfwelwe ngelihhashi, watawufihlwa emadlizeni aboyisemkhulu eJerusalema, Lidolobha laDavide.

2 Emakhosi 15:38

Jothamu wase uyakhotsama, wafihlwa kuboyisemkhulu eDolobheni laDavide, lidolobha labokhokho bakhe. Ahazi, umsa wakhe, waba yinkhosi esikhundleni sakhe.

2 Emakhosi 16:20

Ahazi wase uyakhotsama, wafihlwa kuboyisemkhulu eDolobheni laDavide. Hezekiya, umsa wakhe, waba yinkhosi esikhundleni sakhe.

2 Emakhosi 8:23

Leminye imininingwane ngekubusa kwaJehoramu, nako konkhe lakwenta kubhaliwe encwadzini yemilandvo yemakhosi akaJuda.

2 Emakhosi 9:28

Tinceku takhe tamgibelisa encoleni yakhe tammikisa eJerusalema, lapho tafike tamfihlela khona kanye naboyisemkhulu edlizeni lakhe, eDolobheni laDavide.

1 Tikhronike 3:11

kweta Jehoramu, umsa wakhe, kweta Ahaziya, umsa wakhe, kweta Jowashi, umsa wakhe,

2 Tikhronike 21:1

Jehoshafati wase uyakhotsama, wafihlwa emadlizeni aboyisemkhulu, eDolobheni lakaDavide; Jehoramu, umsa wakhe, waba yinkhosi esikhundleni sakhe.

2 Tikhronike 21:17

Bahlasela lakaJuda balingenela, batfumba tonkhe timphahla labatikhandza esigodlweni senkhosi, batfumba nemadvodzana ayo nebafati bayo, akuzange kusale ngisho nayinye indvodzana kuyo ngaphandle kwa-Ahaziya labengutfunjana aluswane.

2 Tikhronike 21:20

Jehoramu abeneminyaka lengema-32, nakabekwa kuba yinkhosi, wabusela eJerusalema iminyaka lesiphohlongo, wase uyakhotsama, kwabate ngisho namunye loweva buhlungu ngaloko; wafihlwa eDolobheni laDavide, noko hhayi emadlizeni emakhosi.

2 Tikhronike 21:7

Noko ngenca yesivumelwane Simakadze labesente naDavide, Simakadze abengakatimiseli kuyibhubhisa indlu yakaDavide. Abetsembisile kutsi uyawutigcinela sibane endlini yakaDavide kuze kube nguphakadze naphakadze.

2 Tikhronike 22:1

Bantfu baseJerusalema babeka Ahaziya, litfunjana laJehoramu, waba yinkhosi esikhundleni seyise, njengobe phela bahlaseli lababehamba nema-Arabu, bangena enkambu babulala bonkhe bomnakabo labadzala. Ngako Ahaziya, umsa waJehoramu, inkhosi yakaJuda, wacala kubusa.

2 Tikhronike 22:6

ngako wancandzeka wabuyela eJezreyeli kuze ayewuphotisela khona emanceba lawatfola emphini yaseRamothi, lapho bebalwela khona naHazayeli, inkhosi yemaSiriya. Ahaziya-ke, umsa waJehoramu, inkhosi yakaJuda, wase uyehla waya eJezreyeli ayawuvusela Joramu, umsa wa-Ahabi, njengobe abegwaziwe anemanceba.

2 Tikhronike 25:23

Jehoyashi, inkhosi yaka-Israyeli, wabamba Amasiya, inkhosi yakaJuda, umsa waJowashi, labetalwa ngu-Ahaziya, wamtfumba eBhethi Shemeshi. Jehoyashi wase umyisa eJerusalema, wafike wadzilita lubondza lolwalutungelete iJerusalema kusukela eSangweni laka-Efrayimu kuze kuyewufika eSangweni Lelikona, indzawo leyayingemamitha labengaba li-180 budze.