2 Emakhosi 8:16 - Siswati 1996 Bible

¹⁶ Ngemnyaka wesihlanu wekubusa kwaJoramu, umsa wa-Ahabi inkhosi yaka-Israyeli, ngesikhatsi Jehoshafati ayinkhosi yakaJuda, Jehoramu, umsa wa-Jehoshafati wacala kuba yinkhosi yakaJuda.

2 Emakhosi 8:16 ပူးပေါင်းရင်းမြစ်များ

1 Emakhosi 22:42

Jehoshafati abeneminyaka lengema-35 budzala ngesikhatsi abekwa kuba yinkhosi. Wabusela eJerusalema iminyaka lengema-25. Libito lenina bekungu-Azubha, indvodzakati yaShilhi.

1 Emakhosi 22:44

Jehoshafati futsi abehlalisene ngekuthula nenkhosi yaka-Israyeli.

1 Emakhosi 22:50

Jehoshafati wase uyakhotsama, wafihlwa kuboyisemkhulu, eDolobheni laDavide, uyisemkhulu. Jehoramu, umsa wakhe, waba yinkhosi esikhundleni sakhe.

1 Emakhosi 22:51

Ahaziya, umsa wa-Ahabi, wabekwa waba yinkhosi yaka-Israyeli eSamariya; wabekwa ngemnyaka weli-17 wekubusa kwaJehoshafati, inkhosi yakaJuda. Ahaziya wabusa sive saka-Israyeli iminyaka lemibili.

2 Emakhosi 1:17

Ngempela, Ahaziya wavele wakhotsama, kwaya njengekwelivi laSimakadze labelikhulume ku-Elija. Njengobe Ahaziya abete indvodzana, Joramu, umnakabo, waba yinkhosi emvakwa-Ahaziya, emnyakeni wesibili wekubusa kwaJehoramu, umsa waJehoshafati, inkhosi yakaJuda.

2 Emakhosi 11:2

Kodvwa Jehosheba, indvodzakati yenkhosi Jehoramu labengudzadzewabo-Ahaziya, watsatsa Jowashi, umsa wa-Ahaziya, wamuba, wamsusa emkhatsini walaba labanye bantfwabenkhosi labese batawubulawa. Wamtsatsa wayakumbhacisa kanye nesidzandzane sakhe ekamelweni lekulala. Bamfihla-ke lomntfwana ku-Athaliya; ngako-ke akazange asabulawa Jowashi.

2 Emakhosi 3:1

Joramu, umsa wa-Ahabi, waba yinkhosi yaka-Israyeli, eSamariya, emnyakeni weli-18 wekubusa kwaJehoshafati, inkhosi yakaJuda; wabusa iminyaka leli-12.

2 Emakhosi 8:25

Ngemnyaka weli-12 wekubusa kwaJoramu, umsa wa-Ahabi, inkhosi yaka-Israyeli, Ahaziya, umsa waJehoramu, inkhosi yakaJuda, wacala kubusa.

2 Tikhronike 22:1

Bantfu baseJerusalema babeka Ahaziya, litfunjana laJehoramu, waba yinkhosi esikhundleni seyise, njengobe phela bahlaseli lababehamba nema-Arabu, bangena enkambu babulala bonkhe bomnakabo labadzala. Ngako Ahaziya, umsa waJehoramu, inkhosi yakaJuda, wacala kubusa.