2 Emakhosi 8:12 - Siswati 1996 Bible

¹² Hazayeli wabuta watsi: “Inkhosi yami ikhalelani?” Wamphendvula watsi: “Kungobe ngiyawati umonakalo lotakuwenta esiveni saka-Israyeli. Utawuhloseka ngemlilo tonkhe tindzawo tabo letitinqaba, ugwaze labasha babo ngenkemba, udzacate tinswane tabo phansi, uhhubhute tisu tebafati babo labatetfwele.”

2 Emakhosi 8:12 ပူးပေါင်းရင်းမြစ်များ

1 Emakhosi 18:13

Ingabe wena, nkhosi yami, awukaze uve yini kutsi mine ngentani ngesikhatsi Jezebeli abulala baphrofethi baSimakadze? Ngabhacisa baphrofethi labalikhulu emigedzeni lemibili, baba ngema-50 kulowo nalowo mgedze, ngangibapha kudla ngibanatsise nemanti.

1 Emakhosi 19:17

Wonkhe lobalekela inkemba yaHazayeli uyakubulawa nguJehu, nalowo loyawubalekela inkemba yaJehu uyawubulawa ngu-Elisha.

2 Emakhosi 12:17

Ngaleso sikhatsi Hazayeli, inkhosi yaseSiriya, yakhuphuka yayawuhlasela iGathi, yayitfumba; yesuka lapho yacondza eJerusalema, nayo yayihlasela.

2 Emakhosi 12:18

Kodvwa Jowashi, inkhosi yakaJuda, yatsatsa tonkhe timphahla letingcwele letatinikelwe boyisemkhulu, Jehoshafati, naJehoramu, na-Ahaziya, emakhosi akaJuda; watsatsa nato tonkhe tipho letatinikelwe nguye cobo lwakhe, nayo yonkhe igolide leyatfolakala endlini yengcebo, ethempelini laSimakadze, nasesigodlweni senkhosi, watitfumela kuHazayeli, inkhosi yaseSiriya, lowase uyayiyekela iJerusalema, wangabe asayihlasela.

2 Emakhosi 13:22

Hazayeli, inkhosi yemaSiriya, wacindzetela baka-Israyeli ngaso sonkhe sikhatsi sekubusa kwenkhosi Jehoyahazi.

2 Emakhosi 13:3

Ngako-ke lulaka lwaSimakadze lwavutsa etikwesive saka-Israyeli. Kwaba sikhatsi lesidze, solomane Simakadze abayekelele ngaphansi kwesandla saHazayeli, inkhosi yemaSiriya, kanye nesaBheni Hadadi, umsa wakhe.

2 Emakhosi 13:7

Kwase kute lokwase kusele emabutfweni akaJehoyahazi ngaphandle kwebagibeli bemahhashi lababengema-50, netincola temphi letilishumi, nemasotja labeshuca ngetinyawo labeti-10 000. Inkhosi yemaSiriya yayiwabhubhise onkhe lamanye, yawenta aba njengelutfuli lwanakubhulwako.

2 Emakhosi 15:16

Ngaleso sikhatsi Menahemu wacala eThisa wahlasela iThifsa nabo bonkhe lababesedolobheni nasemacentselweni alo, ngobe bala kumvulela emasango abo. Wadzilita iThifsa, wahhubhuta tisu tabo bonkhe bafati lababetetfwele.

2 Emakhosi 4:28

Lomfati wakhuluma watsi: “Ngake ngayicela yini kuwe indvodzana, nkhosi yami? Angikutjelanga yini ngatsi: ‘Ungangivuseli litsemba’?”

Isaya 13:16

Tinswane tabo tiyawuphahlatwa tibe ticucu embikwabo babuka, tindlu tabo tiyawuphangwa, nebafati babo badlwengulwe.

Isaya 13:18

Ngebutjoki babo lobugobile bayawudubula emajaha, abanamusa ngetinswane, futsi bate nesihawu ngebantfwana.

Hoseya 10:14

kudvuma kwemphi kuyawusuka kumelane nebantfu benu, khona kutewutsi tonkhe tinqaba tenu tibhidlitwe, njengobe Shalmani abhidlita iBhethi Abeli ngelilanga lemphi, mhlazana bomake baphihlitwa phansi emhlabatsini kanye nebantfwababo.

Hoseya 13:16

Bantfu baseSamariya kufanele batitfwalele licala labo, ngobe bamhlubukile Nkulunkulu wabo. Bayawubulawa ngenkemba; tinswane tabo tiyawusacatwa phansi emhlabatsini, labakhulelwe babo bahhujutwe tisu.”

Hoseya 14:1

Awu, ma-Israyeli, buyani, nibuyele kuSimakadze Nkulunkulu wenu. Tono tenu ngito letiniwisile.

Amose 1:13

Naku lokushiwo nguSimakadze, utsi: “Bantfu baka-Amoni bone kwaze kwengca, ngaleso sizatfu ngingeke ngihlale ngingabajezisi. Ema-Amoni abahlinze beva bafati labatetfwele bakaGileyadi, kuze atekwandzisa iminyele yawo.

Nahume 3:10

Noko, yatfunjwa yesuswa eveni layo, yadzingiswa. Bantfwabayo labancane bashaywa baphihlitwa kuwo onkhe emakona etitaladi, baholi bayo bashayelwa inkatho; bonkhe bahlonishwa bayo baboshwa ngetinketane.