2 Emakhosi 8:11 - Siswati 1996 Bible

¹¹ Wambukisisa, waze Hazayeli wadliwa ngemahloni. Umuntfu waNkulunkulu wase uyakhala.

2 Emakhosi 8:11 ပူးပေါင်းရင်းမြစ်များ

Genesisi 45:2

Wakhala kakhulu, kwadzimate kweva nemaGibhithe, kanye nebendlu yakaFaro.

2 Emakhosi 15:29

Ngesikhatsi saPhekha, inkhosi yaka-Israyeli, Thiglathi Phileseri, inkhosi yase Asiriya, yefika yatfumba i-Ijoni, ne-Abela Bhethi Makha, neJanowa, neKhedeshi kanye neHasori. Watfumba iGileyadi, neGalile, nalo lonkhe live lakaNaftali, bantfu wabatfumba wabayisa e-Asiriya.

2 Emakhosi 2:17

Kodvwa achubeka amncenga, waze waba nemahloni kubalela. Ngako wabe sewutsi kubo: “Kulungile, batfumeleni.” Batfumela emadvodza langema-50, lahamba ayakumfuna emalanga lamatsatfu, kodvwa akazange amtfole.

Tihlabelelo 119:136

Emehlo ami ageleta tinyembeti, ngobe bantfu abawugcini umtsetfo wakho.

Jeremiya 13:17

Kodvwa naningalaleli, ngiyawukhala emasitseleni ngenca yeligcabho lenu. Emehlo ami ayawukhala kabuhlungu kabi agobhote tinyembeti, ngobe umhlambi waSimakadze uyawube utfunjiwe.

Jeremiya 14:17

“Khuluma lamavi kubo utsi: “ ‘Emehlo ami akagobhote tinyembeti busuku nemini, angakhawuli; ngobe indvodzakati yami leyintfombi sibili, sive sami, igwazwe linceba lelibi, yalinyatwa kakhulu.

Jeremiya 4:19

Maye, tinhlungu tami, tinhlungu tami! Ngiyashumpha etinhlungwini tami. Maye, kuqaqamba kwenhlitiyo yami! Inhlitiyo yami iyaqaqamba ngekhatsi kwami, ngehluleka nekubindzisa. Ngobe ngikuvile kukhala kwelicilongo, ngikuvile kuhlatjwa kwemkhosi wemphi.

Jeremiya 9:1

Kube mane inhloko yami beyisiyalu semanti nemehlo ami abe ngumtfombo wetinyembeti, bengitawukhala busuku nemini, ngenca yekubulawa ngesihluku kwesive sami!

Jeremiya 9:18

Abefike masinyane, batesikhihlela sililo, emehlo etfu adzimate aphophote tinyembeti; kugobhote imifula yemanti etinkhopheni tetfu.

Lukha 19:41

Asasondzela eJerusalema wayibuka wayililela.

Johane 11:35

Jesu wakhala tinyembeti.

Imisebenti yebaPhostoli 20:19

ngikhonta iNkhosi ngekutfobeka konkhe, nangetinyembeti, nangekulingwa lengahlangana nako ngemacebo emaJuda.

Imisebenti yebaPhostoli 20:31

Ngako-ke caphelani nikhumbule kutsi ngetinyembeti letinyenti imini nebusuku benginifundzisa ngamunye ngamunye, kwaze kwaphela iminyaka lemitsatfu.

KubaseRoma 9:2

nginelusizi lolukhulu, nebuhlungu lobungapheli enhlitiyweni yami

KubaseFiliphi 3:18

Phela labanyenti lenganitjela kanyenti ngabo, nanyalo nginitjela ngetinyembeti ngabo ngitsi, sebahamba batitsa tesiphambano saKhristu.