2 Emakhosi 7:20 - Siswati 1996 Bible

²⁰ Vele-ke, nguloko lokwayehlela lendvuna, ngobe bantfu bayigcobagcobela khona lapho esangweni ngetinyawo, yafa.

2 Emakhosi 7:20 ပူးပေါင်းရင်းမြစ်များ

2 Emakhosi 7:19

Lendvuna beyikhulume kulomuntfu waNkulunkulu, yatsi: “Buka la, khona kube Simakadze abengavula emafasitelo azamcolo wasezulwini, bekungenteka yini loko?” Lomuntfu waNkulunkulu abeyiphendvule watsi: “Utakubona loko wena ngewakho emehlo, kodvwa wena ngeke udle lutfo lwako.”

2 Emakhosi 8:1

Elisha abekhulume kulomfati labekavuse umfanyana wakhe ekufeni, watsi: “Baleka kanye nemndeni wakho niyewubhaca nome ngukuphi lapho ningabhaca khona, kube sikhashana, ngobe Simakadze sewukumisile kutsi kube nendlala eveni letawutsatsa iminyaka lesikhombisa.”

2 Tikhronike 20:20

Ekuseni ngeluvivi baphuma bacondza eHlane laseThekhowa. Batsi basaphuma, Jehoshafati wasukuma watsi: “Lalelani lapha kimi, nine bakaJuda nani sive saseJerusalema; kholwani Simakadze Nkulunkulu wetfu, nitawusimama. Kholwani loko lokushiwo baphrofethi bakhe, nitawuphumelela.”

Jobe 20:23

Uyawutsi nase agcwalise umkhaba wakhe, Nkulunkulu ehlisele intfukutselo yakhe etikwakhe, ehlisele nemvula yemijijimeto yakhe etikwakhe.

Isaya 44:26

Ngimi lofeza emavi etinceku takhe, aphumelelise tiphrofetho tetitfunywa takhe, lotsi ngeJerusalema: ‘Itawuhlalwa bantfu,’ nangemadolobha akaJuda atsi: ‘Atakwakhiwa,’ nangetindzala tawo atsi: ‘Ngitativusetela.’

Isaya 7:9

Inhloko yaka-Efrayimu yiSamariya, nenhloko yeSamariya ngumsa waRemaliya kuphela. Naningakemi nacina ekukholweni kwenu, ningeke nisema nicinile.’ ”

Jeremiya 28:17

Kwatsi ngenyanga yesikhombisa kuwo lowo mnyaka, Hananiya, umphrofethi, wafa.

Numeri 20:12

Kodvwa Simakadze wabatsetsisa boMosi na-Aroni, watsi: “Njengobe ningakangikholwa kangangekutsi nize ningingcwelise, ningihloniphe embikwalesive sema-Israyeli, anisenawusihola lesive nize nisifikise eveni lengisiphe lona.”