2 Emakhosi 7:14 - Siswati 1996 Bible

¹⁴ Ngako balungisa tincola temphi letimbili nemahhashi ato, inkhosi yatikhipha kutsi tiyewubona kutsi kwentekeni emabutfweni emaSiriya. Yatjela labashayeli betincola, yatsi: “Hambani niyewubona kutsi kwenteke njani.”

2 Emakhosi 7:14 ပူးပေါင်းရင်းမြစ်များ

2 Emakhosi 7:13

Lenye yetindvuna tenkhosi yaphendvula, yatsi: “Khipha lamanye emadvodza atsatse emahhashi lasihlanu kulengcosana lesesele edolobheni. Ingoti yabo itawufanana neyawo onkhe lama-Israyeli latabe asele lapha nawo lasabhubhile. Ngako asibatfumele sitewutfola kahle kutsi kwenteke njani.”

2 Emakhosi 7:15

Bawalandzela emaSiriya, baze bayawufika ngasemfuleni iJordane; babehambe bakhandza timphahla tekwembatsa naletinye nje timphahla letatihambe tisakatwa ngemaSiriya kuyo yonkhe indlela ngesikhatsi abalekela ema-Israyeli.

2 Emakhosi 9:17

Kwatsi mahlalesangweni waseJezreyeli nakatsi uphakamisa emehlo, asetulu embhoshongweni, wabona ngemabutfo aJehu eta avivile, wamemeta watsi: “Ngibona emabutfo eta avivile.” Joramu watsi: “Tfumela sigijimi lesingumgibeli, usitfume kutsi siyewubabuta sitsi: ‘Nita ngekuthula yini?’ ”