2 Emakhosi 7:1 - Siswati 1996 Bible

¹ Elisha wakhuluma watsi: “Lalela nali livi laSimakadze: Ngalesikhatsi kusasa emakhilogremu langaba matsatfu afulaha nemakhilogremu langaba sitfupha ebhali kutawutsengiswa ngenhlavu yinye yesiliva esangweni laseSamariya.”

2 Emakhosi 7:1 ပူးပေါင်းရင်းမြစ်များ

1 Emakhosi 22:19

Mikhaya wachubeka watsi: “Ngako-ke lalela livi laSimakadze: Ngabona Simakadze ahleti esihlalweni sakhe sebukhosi nayo yonkhe imphi yasezulwini ime ngakuye imtungeletile ngesekudla sakhe nangesancele.

2 Emakhosi 20:16

Isaya wase utsi kuHezekiya: “Vani livi laSimakadze:

2 Emakhosi 4:42

Kwabe sekufika indvodza leyayiphuma eBhali Shalisha, iletsele lomuntfu waNkulunkulu imikhama yetinkhwa letingema-20 tebhali yetilinga kanye netihloko takolo lomusha emnyakeni. Elisha wakhuluma watsi: “Nika labantfu batekudla.”

2 Emakhosi 6:25

Kwaba nendlala lenkhulu kabi eSamariya ngenca yaloko kuvinjetelwa kwayo. Inhloko yembongolo yase ibita tinhlavu tesiliva letingema-80, bese kutsi umbhidvo lowawungagcwala sandla wona ubite tinhlavu tesiliva letisihlanu.

2 Emakhosi 6:33

Watsi aselibele kulayetela ngaloko, sabe sitseleka sigijimi. Inkhosi yatsi: “NguSimakadze lona losehlisele lenhlupheko lengaka. Ngingabe ngisamlindzelelani kutsi asisite?”

2 Emakhosi 7:16

Ngako onkhe ema-Israyeli aphuma ayawuhlamahlama inkambu yemaSiriya. Ngako emakhilogremu langaba matsatfu afulaha nemakhilogremu langaba sitfupha ebhali kwatsengiswa ngenhlavu yinye yesiliva, kwaya njengobe Simakadze abeshito.

Tihlabelelo 46:5

Nkulunkulu uhlala kulelo khaya, lingeke litanyatanyiswe, Nkulunkulu uyawulisita ekuseni entsatsakusa.

Eksodusi 14:13

Mosi wabaphendvula watsi: “Ningesabi, manini sibindzi, nicine, nitawubona kusindzisa kwaSimakadze latanentela kona lamuhla. LamaGibhithe leniwabonako lamuhla aniseyiwuphindze niwabone futsi.

Eksodusi 16:12

“Ngikuvile kukhonona kwebantfu baka-Israyeli. Batjele utsi: ‘Kusihlwa nitawudla inyama, ekuseni nibe nenala yesinkhwa. Nitawukwati-ke kutsi mine nginguSimakadze longuNkulunkulu wenu.’ ”

Eksodusi 8:23

Ngitakwenta umehluko emkhatsini wesive sami nesive sakho. Lesishayo sitakwenteka kusasa loku lokusako.’ ”

Isaya 1:10

Lalelani livi laSimakadze, nine babusi baseSodoma; lalelani imfundziso yaNkulunkulu wetfu, nine bantfu baseGomora!

Hezekeli 37:4

Wase utsi kimi: “Phrofetha kulamatsambo, utsi kuwo: ‘Nine matsambo lomile, vanini livi laSimakadze!

Johane 6:9

“Kukhona umfana lapha lonetinkhwa tebhali letisihlanu netinhlanti letimbili. Kepha kungentani loko, bantfu babanyenti kangaka nje?”

Joshuwa 3:5

Joshuwa wakhuluma esiveni, watsi: “Tihlambululeni, nitilungiselele likusasa, ngobe kusasa Simakadze utakwenta tintfo letimangalisako emkhatsini wenu.”

Sembulo 6:6

Ngase ngiva livi shangatsi liphuma emkhatsini wetidalwa letine litsi: “Libinta lakolo wekudliwa ngelilanga lelingatsengwa ngeliholo lelilanga, nemabinta lamatsatfu emabele langatsengwa ngeliholo lelilanga; kepha ungawoni emafutsa neliwayini!”

1 Samuweli 11:9

Batjela letigijimi letatifikile batsi: “Tjelani lamadvodza aseJabeshi Gileyadi nitsi: ‘Kusasa lilanga litawutsi licala kufutfumala, nine nitabe senikhululekile.’ ” Tatsi letigijimi natifika tikubika loko kulamadvodza aseJabeshi, ajabula kakhulu.

1 Samuweli 15:1

Samuweli wakhuluma kuSawula, watsi: “Ngimi lowatfunywa nguSimakadze kuyakukugcoba kutsi ube yinkhosi etikwesive sakhe, ema-Israyeli; ngako lalela nankhu-ke umlayeto lophuma kuSimakadze.