2 Emakhosi 6:25 - Siswati 1996 Bible

²⁵ Kwaba nendlala lenkhulu kabi eSamariya ngenca yaloko kuvinjetelwa kwayo. Inhloko yembongolo yase ibita tinhlavu tesiliva letingema-80, bese kutsi umbhidvo lowawungagcwala sandla wona ubite tinhlavu tesiliva letisihlanu.

2 Emakhosi 6:25 ပူးပေါင်းရင်းမြစ်များ

Jeremiya 52:6

Kwatsi ngelilanga lemfica lenyanga yesine, indlala lapha edolobheni yase imatima kangangekutsi kwase kute nekudla kwalabantfu labebangakudla.

Jeremiya 14:18

Nangingena eveni, ngibona labo lababulewe ngenkemba; nangingena edolobheni, ngibona umonakalo lobangwe yindlala. Umphrofethi nemphristi bahambe kanyekanye, baya eveni labangalati.’ ”

Jeremiya 32:24

“Buka-ke kutsi takhiwe njani tindvundvuma tekuvimbetela lelidolobha lize litfunjwe. Ngenca yenkemba, nendlala kanye nesifo lesibulalanako lelidolobha selitawunikelwa etandleni temaBhabhulona lalihlaselako. Loko lowakusho sekwentekile, njengobe ubona nje.

2 Emakhosi 25:3

Kwatsi ngelilanga lemfica enyangeni yesine, indlala yakhungatsa lelidolobha kamatima, kangangekutsi kwaze kwabate lokwakungadliwa bantfu.

2 Emakhosi 7:4

Nasitsi: ‘Asingene edolobheni,’ sitawufa yindlala. Nome singahlala lapha, sitawufa. Ngako ncono sambe siye enkambu yemaSiriya sitinikele kuwo; nabasiyekela, sitawuphila; nabasibulala-ke, sife.”

1 Emakhosi 18:2

Ngako Elija wahamba wayakutiveta ku-Ahabi. Ngaleso sikhatsi bekunendlala lenkhulu eveni laseSamariya,

Levithikusi 26:26

Umtfombo wesinkhwa ngiyakuwujuba kangangekutsi bafati labalishumi bayawuhlanganyela hhavini munye kupheka sonkhe sinkhwa labanaso. Bayawukwenetisana ngalelo lite labayawube banalo. Niyawudla, kodvwa ningeke nesutse.

2 Emakhosi 6:26

Inkhosi yaka-Israyeli yatsi yendlula ngendlela lesetulu elubondzeni, yeva umfati ayimemeta atsi: “Ngelekelele, nkhosi yami, nkhosi!”

2 Emakhosi 7:12

Inkhosi yavuka yagubulundlela ebusuku, yakhuluma etindvuneni tayo, yatsi: “Ngitanitjela kutsi emaSiriya akwenteleni loku. EmaSiriya ayati kutsi siyalamba, ngako ashiye lenkambu, ayawubhaca esigangeni, atsi: ‘Batawuphuma nome kanjani, sitabe sesibabamba beva singene ekhatsi edolobheni.’ ”

Genesisi 41:55

Yatsi kube indlala yembese lonkhe live, baseGibhithe bahamba bayawukhala kuFaro bamtjela kutsi sebabulawa yindlala. Faro wabaphendvula watsi: “Hambani niye kuJosefa, nente konkhe latanitjela kona.”

Hezekeli 4:17

ngobe kudla nemanti kuyawube kweswelekile. Bayawumangala nababonana, bayawukondza babe tingodvo ngenca yesono sabo.”