2 Emakhosi 6:22 - Siswati 1996 Bible

²² Elisha wayiphendvula, watsi: “Ungababulali. Ungababulala yini bantfu lobatfumbe ngenkemba yakho nangebutjoki bakho? Baphe kudla nemanti, kuze badle besutse banatse, bese babuyela enkhosini yabo.”

2 Emakhosi 6:22 ပူးပေါင်းရင်းမြစ်များ

Genesisi 48:22

Lelicele lentsaba iShekhemu lengalitsatsa ngenkemba yami nangebutjoki bami kuma-Amori, ngengeta ngekulinika wena, hhayi bomnakenu.”

Tihlabelelo 44:6

Angiketsembeli ebutjokini bami, nenkemba yami ayisiyo lengangisindzisa.

Hoseya 1:7

Noko ngiyakuyihawukela indlu yakaJuda; ngiyakubasindzisa, kodvwa hhayi ngebutjoki, nangenkemba, nangemphi, nangemahhashi, nangebagibeli bemahhashi, kodvwa ngiyakubasindzisa mine, Simakadze longuNkulunkulu wabo.”

Hoseya 2:18

Ngalelo langa baka-Israyeli ngiyawubentela sivumelwane netilwane tesiganga netinyoni temoya kanye netidalwa letinwabutela phansi emhlabatsini. Butjoki, nenkemba, nemphi ngiyawukususa eveni, kuze kutsi bonkhe batewulala phansi baphephile.

Matewu 5:44

Kodvwa mine ngitsi kini: Tsandzani titsa tenu, nibakhulekele labanitingelela kunihlupha,

Joshuwa 24:12

Ngatfumela bomanyovu ngembili kwenu, lababadvungulula, nine nisengakefiki, kanjalo futsi nemakhosi ema-Amori lamabili. Loko anizange nikwente ngenkemba nangebutjoki benu.