2 Emakhosi 6:18 - Siswati 1996 Bible

¹⁸ Titsa tatsi tehlela kubo, Elisha wathandaza kuSimakadze, watsi: “Shaya labantfu ngebumphumphutse.” Simakadze wavele wabashaya ngebumphumphutse njengekucela kwa-Elisha.

2 Emakhosi 6:18 ပူးပေါင်းရင်းမြစ်များ

Genesisi 19:11

Ashaya lamadvodza labesemnyango ngebumphumphutse onkhe lawo labengaphandle kwendlu, lamancane nalamadzala, kangangekutsi abatse ayawufuna umnyango angete awutfola.

2 Emakhosi 6:19

Elisha wase uyabedukisa watsi: “Akusiyo indlela lena, nalelidolobha akusilo leli lenilifunako. Ngilandzeleni nginimikise kulomuntfu lenimfunako.” Wase uyabahola, wabangenisa eSamariya.

Jobe 5:14

Behlelwa bumnyama lobukhasa phansi emini, litsi libalele lise nga, bona bahambe baphumphutsa njengasebusuku.

Hoseya 1:7

Noko ngiyakuyihawukela indlu yakaJuda; ngiyakubasindzisa, kodvwa hhayi ngebutjoki, nangenkemba, nangemphi, nangemahhashi, nangebagibeli bemahhashi, kodvwa ngiyakubasindzisa mine, Simakadze longuNkulunkulu wabo.”

Zakhariya 12:4

Ngalelo langa onkhe emahhashi ngiyakuwashaya ngeluvalo, bagibeli bawo bona ngibashaye ngekuhlanya,” kusho Simakadze. “Liso lami liyawubasetikwendlu yakaJuda liyeluse, kodvwa onkhe emahhashi ebetive ngiyakuwaphumphutsekisa.

Johane 12:40

“Nkulunkulu sewuphumphutsekise emehlo abo, netingcondvo tabo sewutivalile, kuze emehlo abo angaboni, netingcondvo tabo tingacondzisisi, bangabe baseta kimi, kuze ngitebaphilisa, kusho iNkhosi.”

Johane 9:39

Jesu watsi: “Mine ngitele kwehlulela kulelive, kuze labangaboni babone, nalababonako babe timphumphutse.”

Imisebenti yebaPhostoli 13:11

Sandla seNkhosi sitakwehlela etikwakho nyalo; utawuba yimphumphutse, awunakubona kukhanya kwelilanga sikhatsi lesitsite.” Khona lapho Elimasi wehlelwa yinkhungu yebumnyama yavala emehlo akhe, wahambahamba ajikeleta afuna longamhola amdvonse ngesandla.

KubaseRoma 11:7

Pho-ke yini? Kusho kutsi bantfu baka-Israyeli abakakutfoli loko bebakufuna, kodvwa kwatfolwa ngulabakhetsiwe; laba labanye bentiwa baba lukhuni,

Dutheronomi 28:28

Simakadze uyakunishaya ngekuhlanya, nangebumphumphutse, nangekusangana kwengcondvo.