2 Emakhosi 6:17 - Siswati 1996 Bible

¹⁷ Elisha wathandaza, watsi: “Awu, Simakadze, vula emehlo akhe kuze abone.” Nembala, Simakadze wavula emehlo alenceku ya-Elisha, yatsi iyabuka, yabona tindimbane temabutfo, nemahhashi, netincola temphi tivutsa umlilo ticancele intsaba, kutungeleta Elisha.

2 Emakhosi 6:17 ပူးပေါင်းရင်းမြစ်များ

Genesisi 21:19

Nkulunkulu wawavula emehlo aHagari, wabona sicobho semanti, waya kuwo wafike wagcwalisa sigubhu ngemanti, wanatsisa lomntfwana.

Genesisi 32:1

Jakobe wachubeka nendlela yakhe, tingilosi taNkulunkulu tamhlangabeta.

Genesisi 32:2

Jakobe watsi kube atibone letingilosi watsi: “Lesi sikanekiso saNkulunkulu!” Wetsa leyo ndzawo libito watsi yiMahanayimu.

Genesisi 32:3

Jakobe watfumela tigijimi ku-Esawu umnakabo, eveni laseSeyiri, kulaka-Edomu.

2 Emakhosi 2:11

Batsi basahamba bakhulumisana bobabili, masinyane kwachamuka incola yemlilo idvonswa ngemahhashi emlilo, yabehlukanisa ekhatsi, Elija wenyuka ngesiwunguwungwana wayawushona ezulwini.

Tihlabelelo 104:3

indlu yakho yebukhosi, uyakhe etikwemanti lasetulu. Emafu lamnyama lahlomile ayincola yakho, ugibele emaphiko emoya.

Tihlabelelo 104:4

Nguwe lowenta titfunywa takho tibe ngimimoya, wente tinceku takho tibe ngimibane.

Tihlabelelo 119:18

Vula emehlo ami, kuze ngibone timangaliso letisemtsetfweni wakho.

Tihlabelelo 125:2

Njengobe tintsaba tihace iJerusalema, kanjalo Simakadze uhace sive sakhe, kusukela manje kuze kube phakadze.

Tihlabelelo 34:7

Ingilosi yaSimakadze yakha umtsangala lotungeleta labo labamesabako, ibakhulule, iphindze ibavikele.

Tihlabelelo 68:17

Tincola taNkulunkulu titinkhulungwane letingemashumi netinkhulungwane ngetinkhulungwane, Simakadze usemkhatsini wato ngebukhosi bakhe lobunjengebungcwele baseSinayi.

Tihlabelelo 91:11

Ngobe Nkulunkulu uyawuyala tingilosi takhe ngawe tikulondvolote ekuhambeni kwakho konkhe.

Tihlabelelo 91:15

Uyawungibita ngiphendvule ngibe naye ekuhluphekeni, ngimuphe kuphepha nekuhlonipheka.

Isaya 42:7

uvule emehlo langaboni, ukhulule tiboshwa ejele, ubatfukulule emgodzini lolijele labo labahlala ebumnyameni.

Danyela 10:7

Mine Danyela, kwaba ngimi ngedvwa lengawubona lombono; lamadvodza labekanye nami akazange awubone, kodvwa efikelwa ngulokukhulu kwesaba nekutfutfumela, aze abaleka ayawutifihla.

Zakhariya 1:8

Kwatsi ebusuku ngaba nembono, kwatsi embikwami ngabona indvodza leyayigibele lihhashi lelibovu! Yayime emkhatsini wetihlahla temibomvana, emfudlaneni. Emvakwayo bekunemahhashi labovu, nalabubendze, nalamhlophe.

Numeri 22:31

Simakadze wase uvula emehlo eBhalamu, wayibona lengilosi yaSimakadze ime endleleni yelule inkemba yayo. Ngako watitfoba, wawa phansi ngebuso.

Matewu 26:53

Ucabanga kutsi bengingete ngacela yini mine kuBabe angehlisele tinkhulungwane letingetulu kweli-12 tetingilosi?

Imisebenti yebaPhostoli 26:18

Utawuvula emehlo abo, kuze besuke ebumnyameni bagucukele ekukhanyeni besuke nasemandleni aSathane baye kuNkulunkulu, kuze batsetselelwe tono tabo babelwe nendzawo emkhatsini walabahlantwe ngekukholwa kimi.’ ”

Kubase-Efesu 1:18

Akakhanyise emehlo etinhlitiyo tenu, kuze nati lokulitsemba lanibitela kulo, nekutsi buhle kanganani bukhosi belifa lakhe kubo labangcwele,

KumaHebheru 1:14

Tiyini tona tingilosi? Tingimimoya yekusebentela Nkulunkulu, letfunyelwe kutawusita labo labayawudla lifa lensindziso.

Sembulo 19:11

Ngase ngibona lizulu livulekile, bekunelihhashi lelimhlophe. Lona bekaligibele abebitwa ngekutsi nguLotsembekile naLiciniso; umsulwa ekwehluleleni kwakhe nasekulweni kwakhe.

Sembulo 19:14

Emabutfo asezulwini amlandzela agibele emahhashi lamhlophe, embetse tingubo letimhlophe letihlantekile telineni.

Sembulo 3:7

“Bhalela ingilosi yelibandla laseFiladelfiya utsi: “ ‘Nali livi leliphuma kuye longcwele, loliciniso, lonesikhiya saDavide, lovula kungavali muntfu, avale kungavuli muntfu, utsi: