2 Emakhosi 6:12 - Siswati 1996 Bible

¹² Lenye yaletindvuna tayo yaphendvula, yatsi: “Kute namunye lapha kitsi, nkhosi yami, nkhosi, kute loyimpimpi. Kodvwa ngu-Elisha, umphrofethi waka-Israyeli, lotjela inkhosi yema-Israyeli onkhe emagama lowakhuluma usendlini yakho yekulala.”

2 Emakhosi 6:12 ပူးပေါင်းရင်းမြစ်များ

2 Emakhosi 5:26

Kodvwa Elisha wakhuluma kuye, watsi: “Umoya wami bewungekho edvute nawe yini ngesikhatsi lendvodza yehla encoleni yayo itekuhlangabeta? Lesikhatsi lesi ngiso yini sikhatsi sekwemukela timali, netimphahla, nemasimi emncumo, netivini, nemihlambi yetimbuti, neyetimvu, neyetinkhomo, netinceku, netincekukati?

2 Emakhosi 5:3

Lentfombatana yakhuluma kumkaNamani, yatsi: “Kube mane inkhosi yami ingake ibonane nemphrofethi loseSamariya, beyingaphiliswa kulobulephelo bayo.”

2 Emakhosi 5:8

Watsi kube Elisha, umuntfu waNkulunkulu, eve kutsi inkhosi iklebhule tingubo tayo, watfumela umlayeto watsi: “Utiklebhuleleni tingubo takho? Letsa lowo muntfu lapha kimi, futsi yena utawukwati kutsi kukhona umphrofethi ka-Israyeli!”

2 Emakhosi 6:11

Loko kwayitfukutselisa kakhulu inkhosi yemaSiriya, yabutsa tindvuna tayo yabuta yatsi: “Ase ningitjele kahle kutsi ngubani lona lolapha emkhatsini wetfu loyimpimpi yenkhosi yema-Israyeli?”

2 Emakhosi 6:13

Inkhosi yemaSiriya yatsi: “Hambani nimfune lapho akhona, kuze ngitfumele emadvodza ambambe.” Imphendvulo yabuya; inkhosi yabikelwa kwatsiwa: “Elisha useDothani.”

Eksodusi 8:3

Umfula iNayili utawugcwala tigogodvolo, tize tenyukele ngisho nasesigodlweni sakho, nasekamelweni lakho lekulala, nasembhedzeni wakho, nasetindlini tetiphatsimandla takho, nakutakhamiti takho, nakubohhavini bakho, nasetitjeni tenhlama.

Taga 21:30

Kuhlakanipha kwemuntfu, nekucondza kanye nemyalo longiwo sibili kungeke kukusite, nangabe kucondzene nekumelana naSimakadze.

Umshumayeli 10:20

Ungakhulumi kabi ngenkhosi, ngisho nangekucabanga kwakho, nangalonjingile ekamelweni lakho, ngobe inyoni yemoya ingahle iwetfwale emavi akho, nesitfunywa lesinemaphiko singahle sisho kutsi utsiteni.

Isaya 29:15

Maye kulabo labaya ematfunjini emhlaba, bayewufihla emasu abo, bawafihlele Simakadze, labentela imisebenti yabo ebumnyameni, bacabange batsi: “Ngubani nje losibonako? Ngubani loyawukwati?”

Isaya 8:10

Takheleni emasu enu, kodvwa atakwehlulekiswa; yentani emachinga enu, kodvwa ngeke aphumelele; ngobe Nkulunkulu unatsi.

Danyela 2:47

Inkhosi yakhuluma kuDanyela, yatsi: “Impela, loNkulunkulu wakho unguNkulunkulu wabo bonkhe bonkulunkulu, neNkhosi yemakhosi, neMembuli wetimfihlakalo, ngobe wena ukhonile kwembula lemfihlakalo.”

Amose 3:7

Ngempela iNkhosi Simakadze kute lekwentako ingakayembuli inhloso yayo etincekwini tayo, baphrofethi.