2 Emakhosi 6:1 - Siswati 1996 Bible

¹ Ngalelinye lilanga kwesuka licembu lebaphrofethi laya ku-Elisha, labengumholi walo, lafike latsi: “Buka lapha, lendzawo lesihlala kuyo lapha embikwakho, seyincane kakhulu.

2 Emakhosi 6:1 ပူးပေါင်းရင်းမြစ်များ

1 Emakhosi 20:35

Ngelivi laSimakadze lomunye wemadvodzana ebaphrofethi wakhuluma kulomunye umnganakhe, watsi: “Ngishaye ngalesikhali sakho,” kodvwa lomnganakhe wala.

2 Emakhosi 2:15

Lesicumbi sebaphrofethi lesasiphuma eJerikho, sibukela, satsi: “Lomoya wa-Elija sewusetikwa-Elisha.” Bahamba bayakumhlangabeta, bafike bawa phansi embikwakhe bamkhotsamela,

2 Emakhosi 2:3

Sicumbi sebaphrofethi lesasihlala eBetheli seta ku-Elisha, safike sambuta satsi: “Uyati yini kutsi Simakadze utayitsatsa lenkhosi yakho lamuhla?” Elisha wabaphendvula, watsi: “Yebo, ngiyati; kodvwa yekelani kukhuluma ngalendzaba.”

2 Emakhosi 2:5

Emadvodza labaphrofethi baseJerikho enyuka aya ku-Elisha, afike ambuta atsi: “Uyati yini kutsi Simakadze utayitsatsa lenkhosi yakho lamuhla?” Elisha wabaphendvula, watsi: “Yebo, ngiyati; kodvwa yekelani kukhuluma ngalendzaba.”

2 Emakhosi 2:7

Labanye baphrofethi lababengema-50 nabo bahamba bafike bemela bucamama, kubhekana nalendzawo lapho bekume khona bo-Elija na-Elisha ngaseJordane.

2 Emakhosi 4:1

Umfati walomunye webaphrofethi wakhala ku-Elisha, watsi: “Inceku yakho, lebekuyindvodza yami, seyifile; nawe uyati kutsi beyesaba Simakadze. Manje lomuntfu lebeyimkweleda uyeta utawutsatsa lamadvodzana ami lamabili, kutsi ayekuba tigcili takhe.”

2 Emakhosi 4:38

Elisha wancandzeka wabuyela eGilgali; bekunendlala kuleso sifundza. Satsi lesicumbi sebaphrofethi sisahlangene naye, wakhuluma kulenceku yakhe, watsi: “Ase ubeke libhodo lelikhulu etiko, uphekele nankha emadvodza sitjulo.”

2 Emakhosi 6:2

Sivumele sihambe siye emfuleni iJordane siyewugawula khona tingodvo, kuze sitakhele indlu yekuhlala.” Elisha watsi: “Hambani.”

Jobe 36:16

“Nkulunkulu ukwephula emihlatsini yekukhatsateka, ukubeka endzaweni lebanti lengenako kubandzeteleka nome kwani, akubeke ekunetsetekeni uvele ngenhloko enaleni, lapho ungakhetsa lokutsandzako khona.

KumaHebheru 11:34

bacima emandla emlilo, baphepha enkembeni, baphiwa emandla ebutsakatsakeni, baba ngemachawe ekulweni timphi, badzimate baticosha timphi tebetive.

Joshuwa 17:14

Sive sakaJosefa sakhuluma kuJoshuwa, satsi: “Tsine usisikeleleni sabelo sinye, lekuyindzawo yinye, kutsi kube lifa letfu? Tsine sisive lesinyenti kakhulu, naSimakadze usibusise kakhulu wasenta saba banyenti.”

Joshuwa 19:47

Kodvwa sive sakaDani saba nenkinga kutsi silidle lelive laso, ngako senyuka sayakuhlasela iLeshemu, sayidla, sayicedza ngenkemba, sayitfumba. Sahlala eLeshemu sase siyetsa libito ngakhokho waso satsi yiDani.

1 Samuweli 19:20

Ngako Sawula wavele watfumela emadvodza kutsi ayekumtsatsa ngenkhani. Kodvwa atsi nakabona sicumbi sebaphrofethi sihhungulekile siphrofetha, naSamuweli akanye naso angumholi waso, Moya waNkulunkulu wehlela kulamadvodza akaSawula; nawo ahhunguleka aphrofetha.