2 Emakhosi 5:8 - Siswati 1996 Bible

⁸ Watsi kube Elisha, umuntfu waNkulunkulu, eve kutsi inkhosi iklebhule tingubo tayo, watfumela umlayeto watsi: “Utiklebhuleleni tingubo takho? Letsa lowo muntfu lapha kimi, futsi yena utawukwati kutsi kukhona umphrofethi ka-Israyeli!”

2 Emakhosi 5:8 ပူးပေါင်းရင်းမြစ်များ

2 Samuweli 3:31

Davide wakhuluma kuJowabe nakubo bonkhe bantfu lababelapho, watsi: “Klebhulani timphahla tenu nembatse emasaka, nihambe nendlule embikwa-Abneri.” Davide, inkhosi, naye cobo lwakhe wahamba emvakweluhlaka lwemngcwabo wa-Abneri.

1 Emakhosi 12:22

Kodvwa kwefika livi laNkulunkulu kuShemaya, umuntfu waNkulunkulu, latsi:

1 Emakhosi 17:24

Lomfelokati watsi ku-Elija: “Manje sengiyati kutsi ungumuntfu waNkulunkulu, nekutsi livi laSimakadze leliphuma emlonyeni wakho liliciniso.”

2 Emakhosi 1:6

Tayiphendvula tatsi: “Kukhona indvodza lesihlangabetile lefike yatsi: ‘Ncandzekani, nibuyele enkhosini lenitfumile, nifike niyibute nitsi: “Naku lokushiwo nguSimakadze, utsi: Kungobe kute yini Nkulunkulu ka-Israyeli, kutsi ungaze utfumele uyewubuta kuBhalzebubi, nkulunkulu wase-Ekroni? Ngako-ke ungeke usuke kulombhedze lolele kuwo. Nakanjani utakufa!” ’ ”

2 Emakhosi 5:15

Namani kanye netinceku takhe tonkhe wahamba wabuyela kulomuntfu waNkulunkulu. Wafike wema embikwakhe watsi: “Manje sengiyati kutsi emhlabeni wonkhe kute nkulunkulu lofanana naNkulunkulu wema-Israyeli. Ngicela kutsi wemukele nasi sipho lesiphuma kimi, inceku yakho.”

2 Emakhosi 5:3

Lentfombatana yakhuluma kumkaNamani, yatsi: “Kube mane inkhosi yami ingake ibonane nemphrofethi loseSamariya, beyingaphiliswa kulobulephelo bayo.”

2 Emakhosi 5:7

Yatsi kube inkhosi yaka-Israyeli iyifundze lencwadzi, yaklebhula tingubo tayo, yatsi: “Mine nginguNkulunkulu yini? Nginawo yini emandla ekubulala nekuphilisa? Lomuntfu uyitfumeleleni lapha kimi lenceku yakhe kutsi ngitekuyiphilisa kulobulephelo bayo? Niyabona-ke kutsi ufuna kususa imphi alwe nami!”

2 Emakhosi 5:9

Ngako-ke Namani wahamba ngemahhashi kanye nangetincola takhe, wafike wema emnyango wendlu yaka-Elisha.

Eksodusi 11:8

Mosi wephetsa inkhulumo yakhe ngekutsi: “Tonkhe tiphatsimandla takho tiyawukuta tikhotsame embikwami, tingincenge titsi: ‘Wena, nalabantfu labakulandzelako, hambani la.’ Emvakwaloko-ke ngiyawuvele ngihambe.” Mosi waphuma atfukutsele abila, washiya Faro.

Hezekeli 2:5

Nome bayakulalela nome abakulaleli, ngobe phela bayindlu lenenkhani, kodvwa bayawukwati kutsi bekunemphrofethi emkhatsini wabo.

Hoseya 12:13

Simakadze wasebentisa umphrofethi kuze abuyise Israyeli amkhiphe eGibhithe, wamnakekela ngesandla semphrofethi.

KubaseRoma 11:13

Sengikhuluma kini betive: Njengobe ngingumphostoli kubetive nje, ngiyawudvumisa umsebenti wami.

1 Samuweli 9:6

Kodvwa lesisebenti saphendvula satsi: “Ase ubuke la, kulelidolobha kunemuntfu waNkulunkulu, uhlonishwa kakhulu, konkhe lakushoko kuba liciniso, futsi kwenteke. Asambe siye khona nyalo. Mhlawumbe angahle asitjele kutsi kufanele sibheke ngakuphi.”