2 Emakhosi 5:14 - Siswati 1996 Bible

¹⁴ Ngako wavele wahamba wafike waticwilisa kasikhombisa emfuleni iJordane, njengobe umuntfu waNkulunkulu abeshito kuye, umtimba wakhe wahlambuluka wabuyela waba musha, waba njengewemfanyana losemncane.

2 Emakhosi 5:14 ပူးပေါင်းရင်းမြစ်များ

1 Emakhosi 17:16

Ngobe esitjeni safulaha akazange aphele fulaha, naseludziweni lwemafutsa akazange aphele emafutsa; kwenteka njengobe livi laSimakadze lelalikhulunywe ngu-Elija lishito.

2 Emakhosi 4:35

Elisha wesuka lapho wahambahamba lapha ekamelweni, waphindze wabhabhalala etikwalomfana. Lomfana watsimula kasikhombisa, wase uvula emehlo.

2 Emakhosi 5:10

Elisha watfumela sitfunywa kuye watsi: “Hamba, ufike ugeze kasikhombisa emfuleni iJordane, umtimba wakho utawuphila ube musha, uhlambuluke.”

2 Tikhronike 20:20

Ekuseni ngeluvivi baphuma bacondza eHlane laseThekhowa. Batsi basaphuma, Jehoshafati wasukuma watsi: “Lalelani lapha kimi, nine bakaJuda nani sive saseJerusalema; kholwani Simakadze Nkulunkulu wetfu, nitawusimama. Kholwani loko lokushiwo baphrofethi bakhe, nitawuphumelela.”

Jobe 31:13

“Nangabe ngingakatiphatsi njengekwemtsetfo tisebenti tami letidvuna naletisikati, natinetikhalo ngami,

Jobe 33:25

umtimba wakhe bese uyavuseteleka ube musha njengeweluswane, ubuyiseleke ube musha njengasebusheni bakhe.

Eksodusi 4:7

Nkulunkulu wase utsi: “Phindza futsi usifake esifubeni sakho sandla sakho.” Mosi waphindza futsi wasifaka esifubeni; watsi uyasikhipha, saphuma sesite bulephelo, sesifana nemtimba wakhe wonkhe.

Taga 9:9

Nawuyala umuntfu lohlakaniphile, utawusuka ahlakaniphe kakhulu; nawufundzisa umuntfu lolungile, yena usuka engete kulokufundza kwakhe.

Levithikusi 13:58

Lendvwangu nome lemicu nome lesikhumba nome ngabe yentiwe ngani-ke lapho kunyamalele khona lelibala kutawuhlanteka emvakwekugezwa kwesibili.

Zakhariya 13:1

“Ngalelo langa umtfombo uyawuvulekela indlu yakaDavide kanye nalabo labahlala eJerusalema, kutsi utewubahlanta esonweni nasekungcoleni.

Zakhariya 14:8

Ngalelo langa emanti laphilako ayawugeleta aphuma eJerusalema, incenye yawo igeletele elwandle lolungasemphumalanga, kutsi incenye yawo igeletele elwandle lolungasenshonalanga, busika nehlobo.

Lukha 4:27

Kwakunemalephelo lamanyenti ka-Israyeli ngesikhatsi semphrofethi Elisha, noko kute nalinye lelaphiliswa emkhatsini wawo ngaphandle kwaNahamani, umSiriya.”

Lukha 5:13

Jesu welula sandla sakhe wayitsintsa watsi: “Ngiyatsandza; hlambuluka.” Ngekushesha bulephelo besuka kuyo.

Johane 2:5

Unina watsi etincekwini: “Nibokwenta konkhe latanitjela kona.”

kuThithusi 2:14

Yena watinikela ngenca yetfu, kuze atesihlenga ebubini bonkhe atingcwelisele sive lesisakhe, lesinenshisekelo kutsi sente imisebenti lemihle.

Joshuwa 6:4

Uboba nebaphristi labasikhombisa labaphetse emacilongo lasikhombisa lentiwe ngetimphondvo temvu; babohamba embikwalelibhokisi lesivumelwane. Ngelilanga lesikhombisa lelidolobha nibolitungeleta emahlandla lasikhombisa, baphristi bona bashaye lamacilongo.