2 Emakhosi 5:13 - Siswati 1996 Bible

¹³ Tinceku taNamani taya kuye, tafike tatsi: “Babe, kube lomphrofethi abetsite yenta intfo lelukhuni, bewungeke uyente yini leyontfo? Kakhulu kanganani-ke njengobe akutjele watsi: ‘Geza utewuhlambuluka.’ ”

2 Emakhosi 5:13 ပူးပေါင်းရင်းမြစ်များ

Genesisi 41:43

Wamekhweta encoleni yakhe yesibili. Bogadzi bakhe bahamba embikwakhe, bamemeta batsi: “Khweshani! Khweshani!” Wambeka kanjalo-ke kutsi engamele lonkhe laseGibhithe.

1 Emakhosi 20:23

Ngasona leso sikhatsi tindvuna tenkhosi yaseSiriya teluleka inkhosi, tatsi: “Bonkulunkulu babo bonkulunkulu bemagcuma. Ngiko nje babenemandla kakhulu kunatsi, badzimate basehlula. Kodvwa nasingalwa nabo sisematsafeni, nakanjani sitakuba nemandla kunabo.

1 Emakhosi 20:31

Tindvuna takhe takhuluma kuye, tatsi: “Sesivile kutsi emakhosi endlu yaka-Israyeli anesihe. Asambe siye enkhosini yaka-Israyeli sivunule emasaka lapha elukhalweni sibophe tintsambo lapha etinhloko tetfu. Mhlawumbe angahle akusindzise angakubulali.”

2 Emakhosi 13:14

Ngaleso sikhatsi Elisha abegula aphetfwe sifo lesagcina sendlule naye, simbulele. Jehoyashi, inkhosi yaka-Israyeli, wehla wayakumhlola, wafike wamtsela ngetinyembeti, watsi: “Babe wami! Babe wami! Incola yaka-Israyeli nebagibeli bakhe bemahhashi!”

2 Emakhosi 2:12

Elisha wakubona loko wakhala, amemeta, watsi: “Babe wami! Babe wami! Incola yaka-Israyeli nebagibeli bakhe bemahhashi!” Elisha akazange aphindze ambone futsi. Ngenca yekudzabuka kwakhe Elisha watsatsa lesembatfo sakhe wasidzabula, saba ticephu letimbili.

2 Emakhosi 5:10

Elisha watfumela sitfunywa kuye watsi: “Hamba, ufike ugeze kasikhombisa emfuleni iJordane, umtimba wakho utawuphila ube musha, uhlambuluke.”

2 Emakhosi 5:3

Lentfombatana yakhuluma kumkaNamani, yatsi: “Kube mane inkhosi yami ingake ibonane nemphrofethi loseSamariya, beyingaphiliswa kulobulephelo bayo.”

2 Emakhosi 6:21

Inkhosi yema-Israyeli yatsi nayikubona loko, yabuta Elisha yatsi: “Babe, ngibabulale yini? Ngibabulale?”

2 Emakhosi 8:9

Hazayeli wahamba wayawuhlangabeta Elisha, wachuba nalesipho bekayakumnika sona setfwelwe ngemakamela langema-40. Kwakusipho lesasitinhlobonhlobo tetintfo leticolisakele taseDamaseko. Wangena wema embikwakhe, watsi: “Indvodzana yakho Bheni Hadadi, inkhosi yemaSiriya, ingitfume kutsi ngitewubuta kutsi itawusindza yini kulokugula.”

Tihlabelelo 51:2

Ngigezisise ebubini bami, ngihlambulule esonweni sami.

Tihlabelelo 51:7

Ngihlambulule ngehisophu, ngitewuhlambuluka. Ngigeze ngibe mhlophe kunangcocwane.

Isaya 1:16

gezani, nibe ngulabahlantekile. Susani tento tenu letimbi embikwami! Yekelani kwenta lokubi,

Malakhi 1:6

Simakadze Somandla utsi: “Indvodzana ihlonipha uyise, kantsi nesisebenti sihlonipha inkhosi yaso. Nangabe nginguyihlo, aningihloniphi leni? Nangabe ngiyinkhosi, aningihloniphi ngani? Ngini nine baphristi, lenedzelela Libito lami. “Kodvwa niyabuta nitsi: ‘Siledzelele kanjani Libito lakho?’

Matewu 23:9

Ningabiti muntfu emhlabeni ngekutsi: ‘Babe,’ ngobe munye uYihlo losezulwini.

Johane 13:8

Phetro watsi kuye: “Nkhosi, ungeke ugeze tinyawo tami nekadzeni.” Jesu wamphendvula watsi: “Nangingatigezi tinyawo takho, ute budlelwane nami.”

Johane 9:7

Watsi kuyo: “Hamba uyewugeza echibini laseSilowama!” (Lelibito lisho kutsi: “Utfunyiwe”.) Lendvodza yavele yahamba yayawugeza, yabuya seyibona.

Imisebenti yebaPhostoli 22:16

Pho, usebanjwe yini? Sukuma ubhajatiswe, utsetselelwe tono takho, ukhuleke egameni lakhe.’ ”

1 kubaseKorinthe 1:21

Ngobe phela ekuhlakanipheni kwaNkulunkulu live alizange limati Nkulunkulu ngekuhlakanipha kwalo. Kwaba kuhle kuye kusindzisa labakholwako ngenshumayelo lebulima.

1 kubaseKorinthe 1:27

Kodvwa Nkulunkulu wakhetsa lokubulima emhlabeni, kuze ajabhise labahlakaniphile, wakhetsa lokubutsakatsaka, kuze ajabhise lokunemandla.

1 kubaseKorinthe 4:15

Nome nine ningaba nebeluleki labati-10 000 kuKhristu, nite boyihlo labanyenti; ngobe mine nganitala kuKhristu Jesu ngeliVangeli.

kuThithusi 3:5

wasisindzisa, hhayi ngobe besente imisebenti yekulunga, kodvwa ngesihawu sakhe. Wasisindzisa, wasigeza ngekusitala kabusha nangekusenta busha ngaMoya Longcwele,

KumaHebheru 10:22

Ngako-ke asisondzele kuNkulunkulu ngenhlitiyo lecinisile, nangekwetsemba lokuphelele kwekukholwa, tinhlitiyo tetfu tinyenyetiwe tahlanjululwa kunembeza lomubi, nemitimba yetfu igeziwe ngemanti lahlobile.

1 yaPhetro 3:21

Emanti wona emele umbhabhatiso. Umbhabhatiso awusiwo wekususa insila yemtimba, kodvwa wekucela nembeza lomsulwa kuNkulunkulu. Lombhabhatiso uyanisindzisa ngekuvuka kwaJesu Khristu ekufeni.

Sembulo 7:14

Ngatsi kulo: “Nkhosi, nguwe lobatiko.” Lase litsi kimi: “Laba-ke ngibo labaphume ekuhluphekeni lokukhulu. Bageze tingubo tabo taba mhlophe ngengati yeliWundlu.

1 Samuweli 24:11

Buka, babe wami, buka nasi sicephu sengubo yakho sisesandleni sami! Ngijube umphetfo wengubo yakho, kodvwa wena ngangete ngakubulala. Yati kahle-ke nyalo, ucondzisise kutsi mine anginacala lekwenta bubi nelekumelana nawe. Mine angikakoni ngalutfo, kodvwa nguwe longitfungatsela kutsi utengibulala.

1 Samuweli 28:23

Sawula wala, watsi: “Ngingeke ngidle.” Kodvwa lamadvodza labehamba naye asita lesangoma, amncenga ngekumcindzetela, waze wavuma. Wavuka wahlala etikwembhedze.

1 Samuweli 9:10

Sawula wakhuluma kulesisebenti sakhe, watsi: “Kulungile, kota sambe.” Ngako besuka bahamba baya kulelo dolobha, lapho bekukhona khona lomuntfu waNkulunkulu.