2 Emakhosi 5:1 - Siswati 1996 Bible

¹ Namani abeyindvuna yelibutfo lenkhosi yaseSiriya. Abengumuntfu lomkhulu kabi enkhosini yakhe, futsi ahlonishwa kakhulu, ngobe ngaye Simakadze wanika iSiriya kuncoba. Abelichawe lelinesibindzi, kodvwa abenebulephelo.

2 Emakhosi 5:1 ပူးပေါင်းရင်းမြစ်များ

2 Samuweli 3:29

Shangatsi licala lengati yakhe lingaba setikwenhloko yaJowabe kanye nendlu yeyise! Shangatsi indlu yaJowabe ingete yahlala ingenaye umuntfu lonesilondza lesincincako nome lonalokusabulephelo, nome lohamba ngetimboko, nome lobulawa ngenkemba, nome loswele kudla.”

2 Emakhosi 4:8

Ngalelinye lilanga Elisha waya eShunemu. Kwakukhona umfati labenjingile kuleyo ndzawo, wacela Elisha kutsi aphambukele kakhe, khona atewutfola lokuya ngasetfunjini. Ngako abetsi njalo nje nakendlula kuleyo ndzawo, aphambukele kuyawudla.

2 Emakhosi 5:2

Kulenye yetimphi tawo emaSiriya ahlasela ema-Israyeli atfumba nentfombatana yaka-Israyeli, leyafike yaba sidzandzane semkaNamani.

2 Emakhosi 5:27

Bulephelo baNamani sebutawunamatsela kuwe kanye nasetitukulwaneni takho siphelane.” Watsi Gehazi nakaphuma, esuka embikwa-Elisha, wabe asanebulephelo asamhlophe njengangcocwane.

2 Emakhosi 7:3

Kwakukhona emadvodza lamane labenesifo lesisabulephelo labehlala ngasesangweni lelidolobha. Akhulumisana odvwana atsi: “Sitawuhlalelani lapha size sife?

Esta 10:3

Modekhayi waba siphatsimandla lesaba lisekela lenkhosi Ahashiveroshi. EmaJuda abemhlonipha amatisa, kunjalo nje naye abesebentela kutsi bantfu besive sakubo netitukulwane tabo tihlale tinekuphepha.

Esta 9:4

Phela Modekhayi bese kwatiwa kutsi sewungumuntfu lomkhulu kanganani ebukhosini. Kwase kwatiwa nekutsi uya ngekuya uyakhushulwa.

Eksodusi 11:3

Simakadze wenta ema-Israyeli kutsi ahlonishwe ngemaGibhithe. Ngetulu kwaloko Mosi waba mkhulu kutiphatsimandla taFaro nakumaGibhithe onkhe.

Taga 21:31

Nome bantfu emahhashi abo bangawalungiselela imphi, kodvwa kuncoba kusetandleni taSimakadze.

Lukha 4:27

Kwakunemalephelo lamanyenti ka-Israyeli ngesikhatsi semphrofethi Elisha, noko kute nalinye lelaphiliswa emkhatsini wawo ngaphandle kwaNahamani, umSiriya.”

Johane 19:11

Jesu wamphendvula watsi: “Ngabe kawunamandla etikwami kube bewungakawabelwa ngetulu. Kepha lona longinikele kuwe nguye lonelicala lelikhulu.”

KubaseRoma 15:18

Ngobe ngiyawubate sibindzi sekukhuluma lutfo lolunye ngaphandle kwaleto tintfo Khristu latente ngami. Khristu wasebenta ngemavi ami nangetento tami, kuze betive bamlalele;

2 kubaseKorinthe 12:7

Bengingahle ngikhukhunyetwe kakhulu ngenca yetembulo letinyenti, ngako-ke kwabekwa linyeva enyameni yami, ingilosi yaSathane yangihlaba, khona ngingetitikhukhumeta kakhulu.

Dutheronomi 2:37

Kodvwa asizange sisondzele eveni lema-Amoni: nome eceleni kugudla umfula iJabhoki, nome ngasemadolobheni laseveni letintsaba, nome ngukuphi-ke lapho Simakadze Nkulunkulu wetfu abesiyale kutsi singayi khona.”