2 Emakhosi 4:6 - Siswati 1996 Bible

⁶ Tatsi nase tigcwele tonkhe letindziwo, wabuta kutsi lusekhona yini lolunye ludziwo. Lenye yemadvodzana akhe yaphendvula, yatsi: “Sekute ludziwo lolusasele.” Emafutsa ase ayancamuka kutfululeka.

2 Emakhosi 4:6 ပူးပေါင်းရင်းမြစ်များ

1 Emakhosi 17:14

Ngobe nguloko lokushiwo nguSimakadze Nkulunkulu wema-Israyeli, utsi: ‘Fulaha losesitjeni angeke aphele, nenseketse yemafutsa ingeke iphele eludziweni, kuze kube lilanga lapho Simakadze ayawunisa khona litulu eveni.’ ”

2 Emakhosi 13:19

Umuntfu waNkulunkulu wayitfukutselela inkhosi, watsi: “Ngabe umhlabatsi uwushaye kwaba kasihlanu nome kasitfupha, ngobe bewutawube uyehlulile-ke iSiriya, wayibhubhisa yaphela. Kodvwa manje utayehlula katsatfu kuphela.”

2 Emakhosi 4:5

Wesuka lomfelokati ku-Elisha. Emvakwaloko lomfelokati nemadvodzana akhe bangena endlini, bavala umnyango. Lomfelokati wacala watsela emafutsa etindziweni, emadvodzana akhe amniketa letindziwo, yena wachubeka nekutsela ekhatsi.

Matewu 13:58

Akazange ayente imisebenti yemandla leminyenti lapho ngenca yekungakholwa kwabo.

Matewu 14:20

Bonkhe bantfu badla, besutsa. Bafundzi babutsa timvutfuluka, tacwaba emabhasikidi lali-12.

Matewu 15:37

Badla bonkhe, besutsa. Bafundzi babutsa timvutfuluka letatisele nabadlako, bagcwalisa emabhasikidi lasikhombisa.

Matewu 9:29

Jesu watsintsa emehlo ato watsi: “Akwenteke kini njengekukholwa kwenu!”

Lukha 6:19

Bonkhe bantfu betama kumtsintsa, ngobe emandla abephuphuma kuye, wabaphilisa bonkhe.

Johane 6:12

Kwatsi nase besutsi, watsi kubafundzi bakhe: “Butsani timvutfuluka letisele, kubete lokulahlekako.”

Joshuwa 5:12

Ngalelo langa imana yancamuka kwehla, ema-Israyeli nase adle sivuno salelo live; akazange aphindze abe nemana. Kodvwa ngalowo mnyaka badla lekwakusivuno selive laseKhenani.