2 Emakhosi 4:36 - Siswati 1996 Bible

³⁶ Elisha wabita Gehazi, watsi kuye: “Bita lomfati waseShunemu.” Wambita. Watsi kube efike, watsi kuye: “Tsatsa indvodzana yakho.”

2 Emakhosi 4:36 ပူးပေါင်းရင်းမြစ်များ

1 Emakhosi 1:3

Tinceku tafuna litjitji lelihle kulo lonkhe laka-Israyeli, taze tatfola Abishagi, labewaseShunemu, tamtsatsa tamletsa enkhosini.

1 Emakhosi 17:23

Elija wamtsatsa lomfana wehla naye ekamelweni lelisetulu, wammikisa endlini kabo, wafike wamnika unina, watsi kulonina: “Buka-ke, umfana wakho sewuyaphila.”

2 Emakhosi 4:35

Elisha wesuka lapho wahambahamba lapha ekamelweni, waphindze wabhabhalala etikwalomfana. Lomfana watsimula kasikhombisa, wase uvula emehlo.

2 Emakhosi 4:37

Lomfati wangena, wawela etinyaweni ta-Elisha, wakhotsamela emhlabatsini. Wase utsatsa lendvodzana yakhe, waphuma nayo.

2 Emakhosi 6:7

Elisha watsi: “Litsatse,” nembala lomuntfu welula sandla walenyula.

2 Emakhosi 8:1

Elisha abekhulume kulomfati labekavuse umfanyana wakhe ekufeni, watsi: “Baleka kanye nemndeni wakho niyewubhaca nome ngukuphi lapho ningabhaca khona, kube sikhashana, ngobe Simakadze sewukumisile kutsi kube nendlala eveni letawutsatsa iminyaka lesikhombisa.”

Lukha 7:15

Lelijaha lelalifile lavuka lahlala ngetibunu, lacala lakhuluma. Jesu wase ulinika unina.

KumaHebheru 11:35

Labasikati bemukeliswa labafile babo bavusiwe. Labanya babetfoswa ngetinhlupho letitinhlobonhlobo bangete bavuma kukhululwa, kuze bemukeliswe lokuncono lokukuvuswa kulabafile.