2 Emakhosi 4:31 - Siswati 1996 Bible

³¹ Gehazi wahamba embili, wafike wabeka lendvuku etikwebuso balomfana, kodvwa kwabate umsindvo nome ingucuko. Ngako Gehazi wase uyancandzeka uhlangabeta Elisha, wafike wamtjela, watsi: “Lomfana akavuki.”

2 Emakhosi 4:31 ပူးပေါင်းရင်းမြစ်များ

1 Emakhosi 18:26

Ngako batsatsa lenkunzi lababenikwe yona, bayilungisa. Base babita libito laBhali kusukela ekuseni kwaze kwaba ngusemini. Bamemeta batsi: “Hhawu, Bhali, siphendvule!” Kodvwa kwabate imphendvulo; kute lowaphendvula. Bagidza batungeleta lelilati lababelakhile.

1 Emakhosi 18:29

Yendlula imini, bachubeka nemadlingozi abo ekuphrofetha, kwaze kwashaya sikhatsi semhlatjelo wakusihlwa. Kodvwa kwabate imphendvulo, kute lowaphendvula, kute nalowanaka.

2 Emakhosi 4:32

Watsi kube Elisha efike kulendlu, wakhandza lomfana afile, alele embhedzeni wakhe.

2 Emakhosi 5:20

Gehazi, inceku ya-Elisha, umuntfu waNkulunkulu, wacabanga watsi: “Inkhosi yami ihambise Namani, umSiriya, ngaphandle kwekumkhokhisa lutfo; ngabe ukwemukele loku abemnika kona. Ngifunga kuphila kwaSimakadze, mine ngitamlandzela, khona ngitawufike ngitsatse intfo letsite.”

2 Emakhosi 8:1

Elisha abekhulume kulomfati labekavuse umfanyana wakhe ekufeni, watsi: “Baleka kanye nemndeni wakho niyewubhaca nome ngukuphi lapho ningabhaca khona, kube sikhashana, ngobe Simakadze sewukumisile kutsi kube nendlala eveni letawutsatsa iminyaka lesikhombisa.”

Jobe 14:12

umuntfu ulala kanjalo-ke angabe asavuka, kuyawuze kwendlule emazulu; yebo, umuntfu angeke aphaphame, futsi ngeke avuke ekufeni kwakhe.

Hezekeli 14:3

“Ndvodzana yemuntfu, lamadvodza asafake tithico etinhlitiyweni tawo, emisa nematje lamabi ekukhubekisa embikwebuso bawo. Kufanele ngiwavumele yini kutsi abute kimi?

Danyela 12:2

Ticumbi ngeticumbi lesetalala elutfulini lwemhlaba tiyawuvuka, labanye bavukele ekuphileni kwaphakadze, labanye ehlazweni nasekwedzelelekeni kwaphakadze.

Makho 5:39

Watsi kube angene, watsi kubo: “Nikhalelani, nidzindza sililo nje? Lomntfwana akafi, ulele.”

Johane 11:11

Emvakwekusho njalo Jesu wachubeka watsi kubo: “Lazaro, sihlobo setfu, sewulele, kodvwa ngitakuya ngiyemvusa.”

Kubase-Efesu 5:14

ngobe konkhe lokuvetwa kukhanya kuyabonakala. Ngako-ke kutsiwa: “Phaphama, wena lolele, uvuke kulabafile, naKhristu utakukhanyisa.”

1 Samuweli 14:37

Sawula wase ubuta Nkulunkulu, watsi: “Ngingehla yini ngicoshe emaFilisti? Utawanikela yini esandleni sema-Israyeli?” Kodvwa Nkulunkulu akazange amphendvule ngalelo langa.

1 Samuweli 28:6

Sawula wase ubuta kuSimakadze, kodvwa Simakadze akazange amphendvule ngisho nangemaphupho, nome nge-Urimu, nome ngebaphrofethi.