2 Emakhosi 4:29 - Siswati 1996 Bible

²⁹ Elisha wakhuluma kuGehazi, watsi: “Shesha uvunule, utsatse indvuku yami uyiphatse ngesandla sakho, ugijime. Lohlangana naye endleleni, ungambingeleli, kantsi nakukhona lokubingelelako, ungavumi. Lendvuku yami ubofike uyibeke etikwebuso balomfana.”

2 Emakhosi 4:29 ပူးပေါင်းရင်းမြစ်များ

1 Emakhosi 18:46

Emandla aSimakadze ehlela ku-Elija, wakhwicela ingubo yakhe ebhandeni lelaliselukhalo yacina, wagijima washiya Ahabi yonkhe indlela leya eJezreyeli.

2 Emakhosi 2:14

Wabe sewushaya lamanti emfula ngalengubo. Wabuta watsi: “Uphi-ke loSimakadze, Nkulunkulu wa-Elija?” Watsi kube awashaye lamanti, ehlukana ekhatsi, aya ngesekudla nangesancele, wabe sewuyewela.

2 Emakhosi 2:8

Elija watsatsa sembatfo sakhe wasigocota, wabe sewushaya ngaso lamanti. Emanti ehlukana ekhatsi, aya ngesekudla nangesancele, lamadvodza lamabili ewela ahamba emhlabatsini lowomile.

2 Emakhosi 4:12

Wakhuluma kuGehazi, inceku yakhe, watsi: “Ase ubite lomfati waseShunemu.” Ngako wambita, wafike wema embikwakhe.

2 Emakhosi 9:1

Umphrofethi Elisha watfuma lomunye welicembu lebaphrofethi lababenaye, watsi kuye: “Bopha lijazi lakho ngelibhande, utsatse luphondvo lwemafutsa uhambe nalo uye eRamothi Gileyadi.

Eksodusi 14:16

Phakamisa indvuku yakho uyengamise etikwelwandle. Emanti atakwehlukana ekhatsi, kuze sive sema-Israyeli sewele lwandle sihamba emhlabatsini lowomile.

Eksodusi 4:17

Kodvwa ubotsatsa lendvuku yakho uhambe nayo utakwenta ngayo imimangaliso.”

Taga 31:17

Ukhutsele, uyabhukula afinyete tidvwaba, acinise tandla, asebente.

Lukha 10:4

“Ningasiphatsi sipatji nome sikhwama salabacelako, nome ticatfulo; ningalitjatiswa ngisho nakubingelela bantfu endleleni.

Imisebenti yebaPhostoli 19:12

kwakuze kutsi emaduku netidziya letike tamtsintsa timikiswe kulabagulako tifo tibayekele, nemimoya lemibi iphume kubo.

Imisebenti yebaPhostoli 3:16

Ligama laJesu nekukholwa egameni lakhe lokucinise lendvodza leniyibonako naleniyatiko; nekukholwa lokungaJesu kunike imphilo lephelele kulomuntfu, njengobe nani nibona nje.

Kubase-Efesu 6:14

Ngako-ke manini tinkhalo tenu tiboshwe ngeliciniso, nifake sivikelo sesifuba lesikulunga,

1 yaPhetro 1:13

Ngaloko-ke bophani tinkhalo tengcondvo yenu, nititsibe, netsembe ngalokuphelele umusa lenitakwabelwa wona ekwembulweni kwaJesu Khristu.