2 Emakhosi 4:27 - Siswati 1996 Bible

²⁷ Watsi kube efike kulomuntfu waNkulunkulu entsabeni, wabamba tinyawo ta-Elisha. Gehazi weta kuye wafike wamfuca, amkhweshisa; kodvwa lomuntfu waNkulunkulu watsi: “Myekele! Uselusizini lolukhulu, kodvwa Simakadze ungifihlele loko, futsi nami abesengakangitjeli.”

2 Emakhosi 4:27 ပူးပေါင်းရင်းမြစ်များ

Genesisi 18:17

Simakadze wase utsi: “Kodvwa ngingamfihlela yini Abrahama loku lengitakwenta?

2 Samuweli 7:3

Nathani wayiphendvula inkhosi, watsi: “Loko lonako engcondvweni yakho, chubeka ukwente, ngobe Simakadze unawe.”

2 Emakhosi 4:25

Ngako waphuma wahamba, waze wefika kulomuntfu waNkulunkulu eNtsabeni iKhameli. Watsi nakabona lomfati asesekhashane, wakhuluma kuGehazi, inceku yakhe, watsi: “Ase ubuke! Nanguya lomfati waseShunemu!

2 Emakhosi 4:26

Gijima uyekumhlangabeta, ufike umbute utsi: ‘Uyaphila yini? Isaphila yini indvodza yakhe? Umntfwana wakho yena usaphila yini?’ ” Lomfati waphendvula watsi: “Konkhe kuhamba kahle.”

2 Emakhosi 6:12

Lenye yaletindvuna tayo yaphendvula, yatsi: “Kute namunye lapha kitsi, nkhosi yami, nkhosi, kute loyimpimpi. Kodvwa ngu-Elisha, umphrofethi waka-Israyeli, lotjela inkhosi yema-Israyeli onkhe emagama lowakhuluma usendlini yakho yekulala.”

Jobe 10:1

“Seyiyangicansula yona lemphilo yami. Ngako-ke ngitawusola ngenkhululeko, ngikhulume ngiphumisele bumunyu bemphefumulo wami.

Taga 14:10

Inhlitiyo yemuntfu buhlungu bayo itetfwalela yona yodvwa, futsi kute longase abe nesabelo ekujabuleni kwayo.

Taga 18:14

Umoya wemuntfu umenta akubeketelele kugula; kodvwa umoya lodzabukile ngubani longawubeketelela?

Amose 3:7

Ngempela iNkhosi Simakadze kute lekwentako ingakayembuli inhloso yayo etincekwini tayo, baphrofethi.

Matewu 15:23

Kodvwa Jesu akazange amphendvule. Bafundzi bakhe base basondzela kuye batsi: “Mcoshe lomfati! Ngobe nangu solomane uyasilandzela uyakhala.”

Matewu 20:31

Kepha sicumbi sebantfu satitsetsisa sitsi atibindze. Kodvwa kwaba ngukhona timemeta kakhulu titsi: “Nkhosi, Ndvodzana yaDavide! Sihawukele!”

Matewu 28:9

Jesu wefika kubo watsi: “Kuthula akube kini!” Beta kuye, bambamba tinyawo, base bakhuleka kuye.

Makho 10:13

Labanye bantfu baletsa bantfwana kuye, khona atewubeka tandla etikwabo ababusise; bafundzi babakhalimela.

Makho 14:6

Kodvwa Jesu watsi: “Myekeleni; nimhluphelani? Ngobe wente umsebenti lomuhle kakhulu kimi.

Lukha 7:38

wafike wema emvakwaJesu, ngasetinyaweni takhe akhala, taze tinyawo taJesu taba manti tinyembeti. Watesula ngetinwele takhe lomfati, watanga, watitsela ngemakha.

Johane 15:15

Kusukela manje angisete nganibita ngekutsi nitisebenti, ngobe phela sisebenti asati kutsi umphatsi waso wentani. Esikhundleni saloko nginibita ngekutsi nitihlobo tami, ngobe senginitjele konkhe lengikuve kuBabe.

Johane 4:27

Kwatsi kusenjalo kwefika bafundzi bakhe. Bamangala kakhulu nabamkhandza akhuluma nalomfati. Kodvwa kute namunye lowase watsi kuye: “Ufunani?” nome ambute atsi: “Ukhulumelani nalomfati?”

1 Samuweli 1:10

Ngenca yebuhlungu nekukhatsateka kwakhe emphefumulweni, Hana wakhala kakhulu, wathandaza kuSimakadze.