2 Emakhosi 4:25 - Siswati 1996 Bible

²⁵ Ngako waphuma wahamba, waze wefika kulomuntfu waNkulunkulu eNtsabeni iKhameli. Watsi nakabona lomfati asesekhashane, wakhuluma kuGehazi, inceku yakhe, watsi: “Ase ubuke! Nanguya lomfati waseShunemu!

2 Emakhosi 4:25 ပူးပေါင်းရင်းမြစ်များ

1 Emakhosi 18:19

Bita sonkhe sive eveni lonkhe laka-Israyeli kuyewuhlanganelwa eNtsabeni iKhameli. Letsa labaphrofethi baBhali labangema-450 kanye nebaphrofethi ba-Ashera labangema-400, labadla naJezebeli etafuleni lakhe.”

1 Emakhosi 18:42

Ngako Ahabi wahamba wayakudla wanatsa, kodvwa Elija wekhwela etulu esicongweni seNtsaba iKhameli, wagobondzela, wafaka buso bakhe emkhatsini wemadvolo akhe.

2 Emakhosi 1:9

Wabe sewutfumela indvuna ku-Elija leyayihamba nelibutfo layo lelalingemadvodza langema-50. Lendvuna yenyuka yaya ku-Elija labehleti etulu esicongweni sentsaba, yafike yakhuluma kuye yatsi: “Ye muntfu waNkulunkulu, inkhosi itsi: ‘Yehla!’ ”

2 Emakhosi 2:25

Elisha wachubeka waya eNtsabeni iKhameli; wesuka lapho wancandzeka wabuyela eSamariya.

2 Emakhosi 4:24

Wekhweta sihlalo embongolweni, watsi kulenceku: “Hamba embili; ungahambi kancane ungakatjelwa ngimi.”

2 Emakhosi 4:26

Gijima uyekumhlangabeta, ufike umbute utsi: ‘Uyaphila yini? Isaphila yini indvodza yakhe? Umntfwana wakho yena usaphila yini?’ ” Lomfati waphendvula watsi: “Konkhe kuhamba kahle.”

2 Emakhosi 4:27

Watsi kube efike kulomuntfu waNkulunkulu entsabeni, wabamba tinyawo ta-Elisha. Gehazi weta kuye wafike wamfuca, amkhweshisa; kodvwa lomuntfu waNkulunkulu watsi: “Myekele! Uselusizini lolukhulu, kodvwa Simakadze ungifihlele loko, futsi nami abesengakangitjeli.”

2 Emakhosi 5:20

Gehazi, inceku ya-Elisha, umuntfu waNkulunkulu, wacabanga watsi: “Inkhosi yami ihambise Namani, umSiriya, ngaphandle kwekumkhokhisa lutfo; ngabe ukwemukele loku abemnika kona. Ngifunga kuphila kwaSimakadze, mine ngitamlandzela, khona ngitawufike ngitsatse intfo letsite.”

2 Emakhosi 8:4

Inkhosi yayikhulume naGehazi, inceku yemuntfu waNkulunkulu, yatsi: “Ngitjele ngato tonkhe tintfo letinkhulu letentiwe ngu-Elisha.”

Isaya 35:2

Njengembali luyawuchakaza lube lusha; luyawutfokota kakhulu, lumemete ngenjabulo. Ludvumo lweLebanoni luyawunikwa lona, yebo, luyawunikwa ludvumo lweKhameli nelweSharoni; bantfu bayawubona bukhosi baSimakadze, nebukhatikhati baNkulunkulu wetfu.