2 Emakhosi 4:16 - Siswati 1996 Bible

¹⁶ Elisha wakhuluma kulomfati, watsi: “Cishe ngalesikhatsi ngemnyaka lotako, utawube ugone indvodzana.” Lomfati wekhuta imihlolo, watsi: “Cha, nkhosi yami, incekukati yakho ungayiyengi, muntfu waNkulunkulu!”

2 Emakhosi 4:16 ပူးပေါင်းရင်းမြစ်များ

Genesisi 17:21

Kepha ngiyawumisa sivumelwane sami na-Isaka, latakutalela yena Sara ngaso lesikhatsi ngemnyaka lotako.”

Genesisi 18:10

Simakadze watsi kuye: “Impela ngitawubuya kuwe ngemnyaka lotako ngasona lesikhatsi, Sara umkakho utawuba nendvodzana.” Sara wakuva loko, ngobe abesemnyango welithende emvakwa-Abrahama, alalele.

1 Emakhosi 17:18

Lomfelokati wakhuluma ku-Elija, watsi: “Ngoneni kuwe, muntfu waNkulunkulu? Kantsi lapha kami utele kutangikhumbuta sono sami, ubulale nendvodzana yami.”

1 Emakhosi 17:24

Lomfelokati watsi ku-Elija: “Manje sengiyati kutsi ungumuntfu waNkulunkulu, nekutsi livi laSimakadze leliphuma emlonyeni wakho liliciniso.”

1 Emakhosi 18:9

Obadiya wabuta watsi: “Ngoneni kodvwa kutsi ungaze unginikele esandleni sa-Ahabi kutsi angibulale?

2 Emakhosi 2:19

Emadvodza alelo dolobha akhuluma ku-Elisha atsi: “Ase ubuke lapha, nkhosi, lelidolobha lisendzaweni lekahle, njengobe ubona nje, kodvwa emanti alo mabi, kantsi futsi nemasimi alo asaphuphile.”

2 Emakhosi 4:15

Elisha watsi: “Mbite.” Wambita; weta wafike wema ngasemnyango.

2 Emakhosi 4:17

Kodvwa lomfati wakhulelwa, kwatsi ngemnyaka lolandzelako wabeleka indvodzana, cishe ngasona leso sikhatsi lesasibekwe ngu-Elisha; kwaya njengobe Elisha abeshito.

2 Emakhosi 4:28

Lomfati wakhuluma watsi: “Ngake ngayicela yini kuwe indvodzana, nkhosi yami? Angikutjelanga yini ngatsi: ‘Ungangivuseli litsemba’?”

Tihlabelelo 116:11

Ngajabha, ngadzimate ngatsi: “Bonkhe bantfu banemanga!”

Lukha 1:13

Kodvwa ingilosi yatsi kuye: “Ungesabi, Zakhariya! Umthandazo wakho sewuvakele, umkakho Elizabethe utakutalela indvodzana. Utayetsa libito layo utsi nguJohane.