2 Emakhosi 4:13 - Siswati 1996 Bible

¹³ Elisha wakhuluma kuGehazi, watsi: “Mtjele utsi: ‘Seningene kuyo yonkhe lenhlupheko ngenca yetfu. Manje wena ungentelwani? Singakukhulumela yini enkhosini nome endvuneni yemphi?’ ” Lomfati waphendvula, watsi: “Nginemuti lena kubantfu besive sakitsi.”

2 Emakhosi 4:13 ပူးပေါင်းရင်းမြစ်များ

Genesisi 14:24

Kute lengitakutsatsa ngaphandle kwaloko lokudliwe ngulamadvodza akami, nesabelo salamadvodza bengihamba nawo: bo-Aneri, na-Eshkoli, naMamre. Abatsatse sabelo sabo.”

2 Samuweli 19:13

Khulumani ku-Amasa nitsi: ‘Awusiyo yini wena ingati yami nenyama yami? Shangatsi Nkulunkulu angangijezisa angishaye kabuhlungu, nangabe kusukela nyalo ngingakubeki kutsi ube yindvuna yemphi yami esikhundleni saJowabe.’ ”

1 Emakhosi 2:32

Simakadze utamkhokhisa lengati layicitsa; ngaphandle kwemvume yababe Davide, wabulala emadvodza lamabili ngenkemba. Bobabili, bo-Abneri, umsa waNeri, indvuna yemphi yaka-Israyeli, na-Amasa, umsa waJetheri, indvuna yemphi yakaJuda, babencono, bacotfo kakhulu kunaye.

2 Emakhosi 4:12

Wakhuluma kuGehazi, inceku yakhe, watsi: “Ase ubite lomfati waseShunemu.” Ngako wambita, wafike wema embikwakhe.

2 Emakhosi 4:14

Elisha wabuta, watsi: “Yini longentelwa yona?” Gehazi waphendvula, watsi: “Empeleni, akanandvodzana, kantsi nendvodza yakhe seyikhule kakhulu.”

2 Emakhosi 8:1

Elisha abekhulume kulomfati labekavuse umfanyana wakhe ekufeni, watsi: “Baleka kanye nemndeni wakho niyewubhaca nome ngukuphi lapho ningabhaca khona, kube sikhashana, ngobe Simakadze sewukumisile kutsi kube nendlala eveni letawutsatsa iminyaka lesikhombisa.”

2 Emakhosi 9:5

Latsi nalifika khona, lakhandza letindvuna temphi tihleti ndzawonye, lafike latsi: “Nginemlayeto wakho, ndvuna.” Jehu walibuta watsi: “Ukhuluma nabani?” Lomphrofethi wamphendvula, watsi: “Nawe, ndvuna.”

Tihlabelelo 37:3

Tsemba kuSimakadze, wente lokuhle, uhlale eveni, uve bumnandzi bekudla emadlelweni laluhlata.

KubaseRoma 16:2

Memukeleni egameni leNkhosi njengalokufanele labangcwele, nimnike lonkhe lusito langahle aludzinge kini, ngobe ube lusito kubantfu labanyenti ngisho nakini lucobo.

KubaseRoma 16:6

Hambisani Mariya lowanisebentela kakhulu.

KumaHebheru 13:5

Balekelani kutsandza imali, neneliswe nguloko leninako, ngobe Nkulunkulu watsi: “Ngingeke ngikuyekele, ngingeke ngikushiye.”

KumaHebheru 6:10

Ngobe phela Nkulunkulu akakhetsi, futsi angeke ayikhohlwe imisebenti yenu nelutsandvo lenilukhombise ekusiteni labangcwele, njengobe nenta namanje.