2 Emakhosi 3:7 - Siswati 1996 Bible

⁷ Waphindze watfumela umlayeto kuJehoshafati, inkhosi yakaJuda, watsi: “Inkhosi yakaMowabi seyingivukele. Ungete wangelekelela yini uhambe nami siyekulwa naMowabi?” Waphendvula watsi: “Ngitakuhamba nawe. Mine nginguwe, nesive sami sakho, kantsi futsi nemahhashi ami ngakho.”

2 Emakhosi 3:7 ပူးပေါင်းရင်းမြစ်များ

1 Emakhosi 22:4

Ngako yabuta Jehoshafati, yatsi: “Ungahamba yini nami siyekulwa neRamothi yaseGileyadi?” Jehoshafati waphendvula inkhosi yaka-Israyeli, watsi: “Mine ngifanana nawe, bantfu bami banjengebantfu bakho, nemahhashi ami anjengemahhashi akho.”

2 Tikhronike 18:3

Ahabi, inkhosi yaka-Israyeli, wabuta Jehoshafati, inkhosi yakaJuda, watsi: “Ungahamba yini nami siyekulwa neRamothi Gileyadi?” Jehoshafati wamphendvula, watsi: “Mine ngifanana nawe, bantfu bami banjengebantfu bakho, sitawuhamba nawe siyewuhlasela.”

2 Tikhronike 19:2

Jehu, umboniswa, umsa waHanani, waphuma wafike wakhuluma enkhosini, watsi: “Wena ukubona kulungile yini kutsi usite lababi nekutsi utsandze labo labatondza Simakadze? Ngenca yaleso sento sakho intfukutselo yaSimakadze isetikwakho.

2 Emakhosi 3:6

Ngako ngaleso sikhatsi inkhosi Joramu yesuka eSamariya, yahlomisa sive sonkhe saka-Israyeli.

2 Emakhosi 3:8

Wachubeka wabuta watsi: “Nguyiphi indlela lesitawuhamba ngayo nasiyawuhlasela?” Wayiphendvula watsi: “Sitawuhamba sidzabule liHlane laka-Edomu.”

2 Emakhosi 3:9

Ngako inkhosi yaka-Israyeli yaphuma ihambisana nenkhosi yakaJuda kanye nenkhosi yaka-Edomu. Emvakwemalanga lasikhombisa lamabutfo ashuca agega, aphelelwa ngemanti wona kanye netifuyo tawo tekwetfwala imitfwalo.

2 Emakhosi 13:20

Elisha wase uyafa, wafihlwa. EmaMowabi abesavame kungenela lelive njalo nje entfwasahlobo atelihlasela.