2 Emakhosi 3:26 - Siswati 1996 Bible

²⁶ Yatsi kube inkhosi yakaMowabi ibone kutsi yehluliwe, yabe seyitsatsa emadvodza labengema-700 labehlome ngetinkemba, yetama kudzabula ekhatsi icondze enkhosini yaka-Edomu, kodvwa behluleka.

2 Emakhosi 3:26 ပူးပေါင်းရင်းမြစ်များ

2 Emakhosi 3:25

Abhubhisa emadolobha, kwatsi leyo naleyo ndvodza yajikijela litje kuwo onkhe emasimi lavundzile, aze avaleka angabonakali. Avimba yonkhe imitfombo, agawula tonkhe tihlahla letinhle. Kwaba yiKhiri Heresi yodvwa leyasala inematje asetindzaweni tawo. Kodvwa emadvodza labehlome ngetidubulelo ayitungeleta nayo, ayihlasela.

2 Emakhosi 3:27

Yabe seyitsatsa umsa wayo labelitubulo layo lelalitakuyilandzela litsatse bukhosi, yalinikela laba ngumhlatjelo wekushiswa elubondzeni lwelidolobha. Ema-Israyeli atfutfumela kakhulu; akhawula kulwa, ancandzeka abuyela eveni lawo.

2 Emakhosi 3:9

Ngako inkhosi yaka-Israyeli yaphuma ihambisana nenkhosi yakaJuda kanye nenkhosi yaka-Edomu. Emvakwemalanga lasikhombisa lamabutfo ashuca agega, aphelelwa ngemanti wona kanye netifuyo tawo tekwetfwala imitfwalo.

2 Emakhosi 8:20

Ngesikhatsi saJehoramu baka-Edomu bavukela bakaJuda, base batibekela yabo inkhosi.

Amose 2:1

Naku lokushiwo nguSimakadze, utsi: “Bantfu bakaMowabi bone kwaze kwengca, ngaleso sizatfu ngingeke ngihlale ngingabajezisi. Bashise ematsambo enkhosi yaka-Edomu, adzimate aba njengemcakaco.